Petrolium products thefe- ಬಂಟ್ವಾಳದ ಖತರ್ನಾಕ್ ಪೆಟ್ರೋಲ್ ಕಳ್ಳನ ಬಂಧನ: ಪೈಪ್‌ಲೈನ್‌ಗೇ ಕನ್ನ ಹಾಕಿದ್ದ ಖದೀಮ
ಪೈಪ್‌ಲೈನ್‌ಗೆ ಕನ್ನ ಹಾಕಿ ಪೆಟ್ರೋಲ್ ಕಳವು ಮಾಡುತ್ತಿದ್ದ ಖರ್ನಾಕ್ ಆರೋಪಿಯನ್ನು ಬಂಟ್ವಾಳ ಗ್ರಾಮಾಂತರ ಪೊಲೀಸರು ತಮ್ಮ ಠಾಣಾ ವ್ಯಾಪ್ತಿಯ ಅರಳ ಗ್ರಾಮದಲ್ಲಿ ಬಂಧಿಸಿದ್ದಾರೆ.
ಬಂಧಿತನನ್ನು ಐವನ್‌ ಚಾರ್ಲ್‌ ಪಿಂಟೋ, ಪ್ರಾಯ: 43 ವರ್ಷ, ತಂದೆ: ಸಂತಾನ್‌ ಪಿಂಟೋ, ವಾಸ: ಅರ್ಬಿ ಮನೆ, ಸೊರ್ನಾಡು ಅಂಚೆ, ಅರಳ ಗ್ರಾಮ, ಬಂಟ್ವಾಳ ತಾಲೂಕು ಎಂದು ಗುರುತಿಸಲಾಗಿದೆ.
ಘಟನೆಯ ವಿವರ:
30/07/2021ರಂದು ಬಂಟ್ವಾಳ ಗ್ರಾಮಾಂತರ ಪೊಲೀಸ್‌ ಠಾಣಾ ವ್ಯಾಪ್ತಿಯ ಅರಳ ಗ್ರಾಮದಲ್ಲಿ ಆಯಿಲ್‌ ಮತ್ತು ನ್ಯಾಚುರಲ್‌ ಲಿಮಿಟೆಡ್‌ ಹಾಗೂ ಹಿಂದೂಸ್ತಾನ್‌ ಪೆಟ್ರೋಲಿಯಂ ಸಂಸ್ಥೆಗೆ ಸೇರಿದ ಪೆಟ್ರೋಲಿಯಂ ಪೈಪ್ ಲೈನ್‌ ಕೊರೆದು ಪೈಪ್ ಅಳವಡಿಸಿ ಜುಲೈ 11 ರಿಂದ ಸುಮಾರು 40 ಲಕ್ಷದ ಪೆಟ್ರೋಲಿಯಂ ಉತ್ಪನ್ನ ಕಳ್ಳತನ ಮಾಡಿರುವ ಬಗ್ಗೆ ದೂರು ದಾಖಲಾಗಿತ್ತು.
ಈ ಬಗ್ಗೆ ತನಿಖೆ ನಡೆಸಿದ ಬಂಟ್ವಾಳ ಗ್ರಾಮಾಂತರ ಪೊಲೀಸ್‌ ಠಾಣಾ ಇನ್ಸ್‌ಪೆಕ್ಟರ್ ಟಿ.ಡಿ ನಾಗರಾಜ್‌ ತಂಡ ಪ್ರಕರಣದ ಪ್ರಮುಖ ಆರೋಪಿತನಾದ ಐವನ್‌ ಚಾರ್ಲ್‌ ಪಿಂಟೋನನನ್ಉ ಬಂಧಿಸಿದೆ.
ಆತನಿಂದ ಕೃತ್ಯಕ್ಕೆ ಬಳಸಿದ ಒಂದು ಜೀಪ್‌, ಡಿಸೇಲ್‌ ಕೊಂಡು ಹೋಗಲು ಬಳಸಿದ ಕ್ಯಾನ್‌ ಗಳು ಮತ್ತು ಡಿಸೇಲ್‌ ನ್ನು ವಶಕ್ಕೆ ಪಡೆದುಕೊಂಡಿದೆ.
ಇದೇ ಕೃತ್ಯದಲ್ಲಿ ಪೈಪ್ ಲೈನ್‌ ಗೆ ಹೋಲ್‌ ತೆಗೆದು ವೆಲ್ಡಿಂಗ್‌ ಮಾಡಿ ಪೈಪ್ ಲೈನ್‌ ಅಳವಡಿಸಿದ ವೆಲ್ಡರ್‌ ಗಳಾದ ಪಚ್ಚನಾಡಿ ಬೋಂದೆಲ್‌ ನಿವಾಸಿ ಅಜಿತ್‌ ಮತ್ತು ಕಣ್ಣೂರು ನಿವಾಸಿ ಜೋಯೆಲ್‌ ಪ್ರೀತಮ್‌ ಡಿʻಸೋಜನನ್ನು ಬಂಧಿಸಿರುತ್ತಾರೆ.
ಪ್ರಕರಣದಲ್ಲಿ ಉಳಿದ ಪ್ರಮುಖ ಆರೋಪಿಗಳು ತಲೆಮರೆಸಿಕೊಂಡಿರುತ್ತಾರೆ. ಸದ್ರಿ ಕಾರ್ಯಾಚರಣೆಯಲ್ಲಿ ಬಂಟ್ವಾಳ ಗ್ರಾಮಾಂತರ ಠಾಣಾ PSI ಪ್ರಸನ್ನ, ಹೆಚ್.ಸಿಗಳಾದ ಜನಾರ್ಧನ, ಗೋಣಿಬಸಪ್ಪ, ಸುರೇಶ್‌ ಪಿ.ಸಿಗಳಾದ ಮನೋಜ್‌, ಪುನೀತ್‌ ಪಾಲ್ಗೊಂಡಿದ್ದರು.