ಕಾಸ್ಟ್ ಕೌಚಿಂಗ್ ಬಗ್ಗೆ ಮೌನ ಮುರಿದ ಮಲ್ಲಿಕಾ ಶೆರಾವತ್: 'ಕೆಲ ಹೀರೋಗಳು ತೆರೆಯ ಮರೆಯಲ್ಲೂ ಬೆತ್ತಲಾಗೋಕೆ ಕರೆದಿದ್ದರು...!'

ಮುಂಬೈ: ಸಿನಿಮಾ ರಂಗದಲ್ಲಿ ಕಾಸ್ಟಿಂಗ್​ ಕೌಚ್ ಇದೆ ಎಂದು ‌ಬಹಿರಂಗ ಪಡಿಸುತ್ತಿರುವ ಕೆಲ ನಟಿಯರು ತಮಗಾದ ಕಹಿ ಅನುಭವಗಳ ಬಗ್ಗೆ ಹೇಳಿಕೊಳ್ಳುತ್ತಲೇ ಇದ್ದಾರೆ.‌ಈ ವಿಚಾರಗಳ ಬಗ್ಗೆ ಇತ್ತೀಚಿನ ವರ್ಷಗಳಲ್ಲಿ ಸಾಕಷ್ಟು ಚರ್ಚೆಗಳಗಾಗುತ್ತಿದೆ. ಅವಕಾಶಗಳಿಗಾಗಿ ನಟಿಯರು ಒಂದಷ್ಟು ಸಹಕರಿಸಬೇಕು, ಕಾಂಪ್ರಮೈಸ್​ ಆಗಬೇಕು ಎನ್ನುವ ಆರೋಪ ಖ್ಯಾತ ನಿರ್ದೇಶಕರು ಹಾಗೂ ನಟರ ಮೇಲೆ ಬರುತ್ತಿದೆ. 

ಬಾಲಿವುಡ್​ನಲ್ಲಿ ಬೋಲ್ಡ್ ದೃಶ್ಯಗಳಿಂದಲೇ ಖ್ಯಾತರಾದ ನಟಿ ಮಲ್ಲಿಕಾ ಶೆರಾವತ್​ ಕೂಡ ಕಾಸ್ಟಿಂಗ್​ ಕೌಚ್ ಬಗ್ಗೆ ಮೌನ ಮುರಿದಿದ್ದಾರೆ. ಮಲ್ಲಿಕಾ ಶೆರಾವತ್ ಸಾಕಷ್ಟು ಸಿನಿಮಾಗಳಲ್ಲಿ ಬೋಲ್ಡ್​ ಪಾತ್ರಗಳಲ್ಲಿ ನಟಿಸಿ ಪಡ್ಡೆ ಹುಡುಗರ ಮನ ಗೆದ್ದಿದ್ದರು. ಅವರು ಕಿಸ್ಸಿಂಗ್​ ಸೀನ್ಸ್, ಅರೆ ನಗ್ನ ದೃಶ್ಯಗಳನ್ನು ಯಾವುದೇ ಮುಜುಗರವಿಲ್ಲದೆ ಮಾಡುತ್ತಿರುವುದರಿಂದ ಒಂದು ಇಂಟಿಮೇಟ್​ ದೃಶ್ಯ ಹಾಗೂ ಕಿಸ್ಸಿಂಗ್​ ದೃಶ್ಯಗಳನ್ನು ನಿರ್ದೇಶಕರು ಇಡುತ್ತಿದ್ದರು. 

ಇದನ್ನು ನೋಡಿ ಅನೇಕ ಸ್ಟಾರ್​ ನಟರು ಮಲ್ಲಿಕಾ ಅವರಿಗೆ ಹತ್ತಿರವಾಗಿ ಅವರಿಂದ ಬೆನಿಫಿಟ್​ ಪಡೆಯೋಕೆ ಪ್ರಯತ್ನಿಸಿದ್ದರು ಎನ್ನಲಾಗುತ್ತಿದೆ. ಈ ಬಗ್ಗೆ ಮುಕ್ತವಾಗಿ ಮಾತನಾಡಿರುವ ಮಲ್ಲಿಕಾ ಶೆರಾವತ್ 'ತಾನು ನೇರವಾಗಿ ಕಾಸ್ಟಿಂಗ್​ ಕೌಚ್​ ಅನ್ನು ಎದುರಿಸಿಲ್ಲ. ನನಗೆ ಸ್ಟಾರ್​ಡಮ್​ ಸುಲಭವಾಗಿ ದೊರಕಿತ್ತು. ನಟನೆ ಮಾಡುದಕ್ಕೆಂದು ಮುಂಬೈಗೆ ಬರುತ್ತಿದ್ದಂತೆ ಆಫರ್​ಗಳು ಸಿಕ್ಕವು. ಪಾತ್ರಕ್ಕಾಗಿ, ಹೆಚ್ಚು ಕಷ್ಟಪಡುವ​ ಪರಿಸ್ಥಿತಿ ಎದುರಾಗಿರಲ್ಲ.

‘ಮರ್ಡರ್’​ ಸಿನಿಮಾದಲ್ಲಿ ನಾನು ಸ್ವಲ್ಪ ಬೋಲ್ಡ್​ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದೆ. ತೆರೆಯ ಮೇಲೆ ಬೋಲ್ಡ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರಿಂದ, ಸಾಕಷ್ಟು ನಟರು ನನ್ನ ಬಳಿ ಬೇರೆ ರೀತಿಯಲ್ಲಿ ಮಾತನಾಡೋಕೆ ಶುರು ಮಾಡಿದರು. ನೀವು ತೆರೆಯ ಮೇಲೆ ಮಾತ್ರವಲ್ಲ ನಮ್ಮ ಜತೆ ತೆರೆಯ ಮರೆಯಲ್ಲೂ ಆ ರೀತಿ ಇರಬಹುದು ಎಂದು ತಮ್ಮೊಂದಿಗೆ ಬೆತ್ತಲಾಗೋಕೆ ಹೀರೋಗಳು ಆಹ್ವಾನ ನೀಡಿದ್ದರು ಎಂದಿದ್ದಾರೆ ಮಲ್ಲಿಕಾ. ಈ 

ಆದರೆ, ಮಲ್ಲಿಕಾ ಎಲ್ಲಿಯೂ ಬೆತ್ತಲಾಗೋಕೆ ಹೇಳಿರುವ ಹೀರೋಗಳ ಹೆಸರುಗಳನ್ನು ಬಹಿರಂಗ ಪಡಿಸಿಲ್ಲ. ‘ನಾನು ಯಾವುದೇ ಕಾರಣಕ್ಕೂ ಕಾಂಪ್ರಮೈಸ್​ ಆಗುವುದಿಲ್ಲ. ಕಾಂಪ್ರಮೈಸ್​ ಆಗೋಕೂ ಬಂದಿಲ್ಲ. ನಾನು ಬಾಲಿವುಡ್ ಗೆ ಬಂದಿರೋದು ನನ್ನ ಕೆರಿಯರ್​ ಬೆಳೆಸಿಕೊಳ್ಳೋಕೆ ಎಂದು ನೇರವಾಗಿ ಹೇಳಿದ್ದೆ. ಇದರಿಂದ ಅನೇಕ ನಟರು ನನ್ನೊಂದಿಗೆ ನಟಿಸಲು ಹಿಂದೇಟು ಹಾಕಿದ್ದರು ಎಂದು ಮಲ್ಲಿಕಾ ಹೇಳಿದ್ದಾರೆ.