ಬಿಗ್ ಬಾಸ್ ನಲ್ಲಿ ಗರ್ಲ್ಫ್ರೆಂಡ್ ಹೆಸರು ರಿವಿಲ್ ಮಾಡಿದ ಯೂಟ್ಯೂಬರ್ 'ಶನ್ನು'
Wednesday, September 15, 2021
ಹೈದರಾಬಾದ್: ಯೂಟ್ಯೂಬ್ ನಲ್ಲಿ ಭಾರೀ ಸಂಚಲನ ಮೂಡಿಸುತ್ತಿರುವ ಷಣ್ಮುಖ ಜಸ್ವಂತ್ ಅಲಿಯಾಸ್ ಶನ್ನು ತೆಲುಗಿನವರಿಗೆ ತುಂಬಾ ಪರಿಚಿತ. 4 ಮಿಲಿಯನ್ ಫಾಲೋವರ್ಸ್ ಹೊಂದಿರುವ ಇವರು ಪ್ರಸ್ತುತ ತೆಲುಗು ಬಿಗ್ಬಾಸ್ ಸಿಸನ್ 5ರ ಸ್ಪರ್ಧಿಯಾಗಿದ್ದಾರೆ.
ಕಿರುಚಿತ್ರ, ನೃತ್ಯದ ವೀಡಿಯೋ ಮೂಲಕ ಶನ್ನು ಬಹಳ ಪ್ರಸಿದ್ಧಿ ಪಡೆದಿರುವ ಶನ್ನು "ಅರೇ ಎಂಟ್ರಾ ಇಧಿ…" ಡೈಲಾಗ್ ಅಂತೂ ಸಿಕ್ಕಾಪಟ್ಟೆ ಫೇಮಸ್. ಬಿಗ್ಬಾಸ್ ವೇದಿಕೆಯಲ್ಲಿ ಸ್ವತಃ ನಾಗಾರ್ಜುನ್ ಕೂಡ ಡೈಲಾಗ್ ಹೇಳಿದ್ದರು. ಇತ್ತೀಚೆಗೆ ಶನ್ನು ಡ್ರಂಕ್ ಆ್ಯಂಡ್ ಡ್ರೈವ್ ಆ್ಯಕ್ಸಿಡೆಂಟ್ ನಿಂದಲೂ ಸುದ್ದಿಯಾಗಿದ್ದರು. ಸದ್ಯ ಬಿಗ್ಬಾಸ್ಗೆ ಸ್ಪರ್ಧಿಯಾಗಿರುವ ಶನ್ನು ತಮ್ಮ ಗರ್ಲ್ಫ್ರೆಂಡ್ ಹೆಸರನ್ನು ರಿವಿಲ್ ಮಾಡಿದ್ದಾರೆ.
ಶನ್ನು ಕಳೆದ ಶನಿವಾರ ಬಿಗ್ ಬಾಸ್ ನಲ್ಲಿ ತಮ್ಮ ಗರ್ಲ್ಫ್ರೆಂಡ್ ಹೆಸರನ್ನು ಬಹಿರಂಗಪಡಿಸಿದ್ದಾರೆ. ಆಕೆ ಬೇರೆ ಯಾರೂ ಅಲ್ಲ ಬಿಗ್ ಬಾಸ್ 2ನೇ ಆವೃತ್ತಿಯ ಸ್ಪರ್ಧಿ ದೀಪ್ತಿ ಸುನೈನಾ.
ಶನ್ನು ಹಾಗೂ ದೀಪ್ತಿ ಸುನೈನಾ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಖ್ಯಾತ ಜೋಡಿಯಾಗಿದ್ದಾರೆ. ಇವರಿಬ್ಬರು ಒಟ್ಟಿಗೆ ಅನೇಕ ಡ್ಯಾನ್ಸ್ ವೀಡಿಯೋಗಳನ್ನು ಮಾಡಿದ್ದಾರೆ. ಅಲ್ಲದೆ ಅನೇಕ ಕಿರುಚಿತ್ರಗಳಲ್ಲೂ ಜೊತೆಯಾಗಿ ನಟಿಸಿದ್ದಾರೆ. ಇಬ್ಬರು ಪರಸ್ಪರ ಪ್ರೀತಿಯಲ್ಲಿ ಬಿದ್ದಿರುವುದು ಎಲ್ಲರಿಗೂ ತಿಳಿದಿದೆ. ಬಿಗ್ಬಾಸ್ ಗೆ 5ನೇ ಆವೃತ್ತಿಗೆ ಶನ್ನು ಹೋದ ಸಂದರ್ಭ ದೀಪ್ತಿ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಭಾವನಾತ್ಮಕ ಬರಹವನ್ನು ಬರೆದುಕೊಂಡಿದ್ದರು. ಟಿವಿಯಲ್ಲಿ ನಿನ್ನನ್ನು ಪ್ರತಿದಿನ ನೋಡಲು ಹೆಮ್ಮೆಯಾಗುತ್ತದೆ. ಇನ್ನು ಕಾಯಲು ಸಾಧ್ಯವಿಲ್ಲ. ನಾನು ನಿನ್ನನ್ನು ಪ್ರೀತಿಸುತ್ತೇನೆ ಮತ್ತು ನಿನಗಾಗಿಯೇ ಇರುತ್ತೇನೆಂದು ಬರೆದುಕೊಂಡಿದ್ದಾರೆ.