ಭೋಪಾಲ್ ನಲ್ಲಿ ನಡೆಯಿತು ನೈತಿಕ ಪೊಲೀಸ್ ಗಿರಿ- ದಾರಿ ಮಧ್ಯೆ ಯುವತಿಯ ಬುರ್ಕಾ ತೆಗೆಸಿದ ದುಷ್ಕರ್ಮಿಗಳು! ( VIRAL VIDEO)
Sunday, October 17, 2021
ಮಧ್ಯಪ್ರದೇಶ: ಮಧ್ಯಪ್ರದೇಶ ದ ಭೋಪಾಲ್ ನಲ್ಲಿ ನೈತಿಕ ಪೊಲೀಸ್ ಗಿರಿ ನಡೆದಿದ್ದು ಸ್ಕೂಟರ್ ಹಿಂಬದಿಯಲ್ಲಿ ಕುಳಿತುಕೊಂಡಿದ್ದ ಯುವತಿಯ ಬುರ್ಕಾವನ್ನು ದುಷ್ಕರ್ಮಿಗಳು ತೆಗೆಸಿದ್ದಾರೆ.
ಭೋಪಾಲ್ನ ಇಸ್ಲಾಂನಗರ ಎಂಬಲ್ಲಿ ಈ ಘಟನೆ ನಡೆದಿದೆ. ಯುವತಿ ಬುರ್ಕಾ ಧರಿಸಿ ಓರ್ವ ಯುವಕನೊಂದಿಗೆ ಸ್ಕೂಟರ್ನಲ್ಲಿ ತೆರಳುತ್ತಿದ್ದ ವೇಳೆ ದುಷ್ಕರ್ಮಿಗಳು ಅಡ್ಡಗಟ್ಟಿದ್ದಾರೆ.
ಹಿಂದೂ ಧರ್ಮೀಯ ಯುವಕನೊಂದಿಗೆ ಆಕೆ ತೆರಳುತ್ತಿದ್ದಾಳೆ ಎಂದು ಆಕೆಯು ಧರಿಸಿದ್ದ ಬುರ್ಕಾ ತೆಗೆಯುವಂತೆ ಅವರು ಒತ್ತಾಯ ಮಾಡಿದ್ದಾರೆ.
ಯುವತಿಯು ಬುರ್ಕಾ ತೆಗೆಯಲು ಅಸಮಾಧಾನ ವ್ಯಕ್ತಪಡಿಸಿದ್ದಾಳೆ. ಈ ವೇಳೆ ದುಷ್ಕರ್ಮಿಯೊಬ್ಬ 'ಈ ಮಹಿಳೆ ನಮ್ಮ ಸಮುದಾಯಕ್ಕೆ ಅವಮಾನ ಮಾಡಿದ್ದಾಳೆ ಎಂದು ಹೇಳುತ್ತಿರುವುದು ಕೇಳಿಸಿದೆ.
ಇದರ ವಿಡಿಯೋ ವೈರಲ್ ಆಗಿದ್ದು ಇಬ್ಬರನ್ನು ವಶಕ್ಕೆ ಪಡೆದು ಎಚ್ಚರಿಕೆ ನೀಡಿ ಕಳುಹಿಸಲಾಗಿದ್ದು ಈ ಘಟನೆ ಬಗ್ಗೆ ಯಾವುದೇ ಪ್ರಕರಣ ದಾಖಲಾಗಿಲ್ಲ ಎಂದು ಭೋಪಾಲ್ ಪೊಲೀಸ್ ಅಧಿಕಾರಿ ಆರ್.ಎಸ್.ವರ್ಮಾ ಪಿಟಿಐ ಸುದ್ದಿಸಂಸ್ಥೆಗೆ ಹೇಳಿದ್ದಾರೆ.
A woman was riding scooter with a man when some people stopped them on a narrow street in Islam Nagar, Bhopal and asked her to remove the hijab that she was wearing. Its is suspected that the people believed the man was Hindu and the girl Muslim. #SickMentality pic.twitter.com/CqPWOMqEn8
— Karan Pal (@karanktbd) October 16, 2021