ಬಿಗ್ ಬಾಸ್ ನೊಳಗೆ ಯೂಟ್ಯೂಬರ್ ರೊಮ್ಯಾನ್ಸ್: ಇನ್ ಸ್ಟಾಗ್ರಾಂನಲ್ಲಿ ಆತನನ್ನು ಅನ್ ಫಾಲೋ ಮಾಡಿದ ನಟಿ ದೀಪ್ತಿ ಸುನೈನಾ
Monday, November 1, 2021
ಹೈದರಾಬಾದ್: ಶಾನು ಅಲಿಯಾಸ್ ಷಣ್ಮುಖ ಜಸ್ವಂತ್ ಮತ್ತು ದೀಪ್ತಿ ಸುನೈನಾ ತೆಲುಗು ಯೂಟ್ಯೂಬ್ವಲಯದಲ್ಲಿ ಪ್ರಖ್ಯಾತ ಮತ್ತು ಮುದ್ದಾದ ಜೋಡಿಗಳು. ಇಬ್ಬರೂ ಪರಸ್ಪರ ಪ್ರೀತಿಸುತ್ತಿರುವುದು ಷಣ್ಮುಖ ಜಸ್ವಂತ್ ಬಿಗ್ ಬಾಸ್ ಪ್ರವೇಶದ ಸಮಯದಲ್ಲಿ ಜಗಜ್ಜಾಹೀರಾಗಿತ್ತು. ಅದನ್ನು ಸ್ವತಃ ಷಣ್ಮುಖ ಕೂಡ ಹೇಳಿಕೊಂಡಿದ್ದಾರೆ.
ಶಾನು ಅಲಿಯಾಸ್ ಷಣ್ಮಖ ಜಸ್ವಂತ್ ಪ್ರಸ್ತುತ ತೆಲುಗು ಬಿಗ್ಬಾಸ್ ಸೀಸನ್ 5ರ ಸ್ಪರ್ಧಿಯಾಗಿದ್ದಾರೆ. ಆತ ಬಿಗ್ಬಾಸ್ ಪ್ರವೇಶ ಮಾಡಿದಂದಿನಿಂದ ದೀಪ್ತಿ ಸಾಕಷ್ಟು ಬೆಂಬಲ ವ್ಯಕ್ತಪಡಿಸುತ್ತಿದ್ದಾರೆ. ಶಾನು ನಾಮಿನೇಶನ್ ಆದಾಗಲೆಲ್ಲಾ ಆತನಿಗೆ ವೋಟ್ ಮಾಡಿ ಉಳಿಸುವಂತೆ ಸಾಮಾಜಿಕ ಜಾಲತಾಣಗಳಲ್ಲಿ ದೀಪ್ತಿ ಪ್ರತಿ ಬಾರಿ ಜನರಲ್ಲಿ ಹಾಗೂ ಅಭಿಮಾನಿಗಳಲ್ಲಿ ಮನವಿ ಮಾಡುತ್ತಿದ್ದರು.
ಆದರೆ, ಇದೀಗ ಶಾನು ಮತ್ತು ದೀಪ್ತಿ ನಡುವೆ ಬ್ರೇಕಪ್ ಆಗಿದೆ ಎಂಬ ವಿಚಾರ ಬೆಳಕಿಗೆ ಬಂದಿದೆ. ಬಿಗ್ಬಾಸ್ನೊಳಗೆ ಶಾನು ಕ್ಯಾಪ್ಟನ್ ಆದ ಬಳಿಕ ಇತ್ತೀಚಿನ ಎಪಿಸೋಡ್ನಲ್ಲಿ ಪ್ರತಿಸ್ಪರ್ಧಿ ಸಿರಿ, ಶಾನು ಹಣೆಗೆ ಮುತ್ತಿಟ್ಟಿದ್ದರು. ಅಲ್ಲದೆ, ಒಂದು ರಾತ್ರಿ ಇಬ್ಬರು ಮಾತನಾಡುತ್ತಿದ್ದ ವೇಳೆ ಸಿರಿ, ಶಾನು ಎದೆಯ ಮೇಲೆ ಮಲಗಿದ್ದರು. ಇದನ್ನು ನೋಡುವಾಗ ಇವರ ನಡುವೆ ಬಹಳ ಸಲುಗೆ ಇರುವಂತೆ ಕಾಣುತ್ತಿದೆ.
ಈ ಘಟನೆಗಳ ಬಳಿಕ ದೀಪ್ತಿ ಬಹಳ ಕೋಪಗೊಂಡಿದ್ದಾರೆ ಎಂಬ ವಿಚಾರ ಬೆಳಕಿಗೆ ಬಂದಿದೆ. ಶಾನು ಹಾಗೂ ಸಿರಿ ತುಂಬಾ ಸಲುಗೆಯಿಂದ ಇರುವ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವುದು ದೀಪ್ತಿಗೆ ಇರಿಸುಮುರಿಸು ತಂದಿದೆ. ಅಲ್ಲದೆ, ಆಕೆಯ ಭಾವನೆಗಳಿಗೆ ಆಘಾತವಾಗಿದೆ.
ಹೀಗಾಗಿ ಆಕೆ ತನ್ನ ಇನ್ಸ್ಟಾಗ್ರಾಂ ಫಾಲೋವರ್ಸ್ ಲೀಸ್ಟ್ನಿಂದ ಶಾನು ಅನ್ನು ಅನ್ ಫಾಲೋ ಮಾಡಿದ್ದಾರೆ. ಅಭಿಮಾನಿಗಳು ಕೂಡ ಅದನ್ನು ಸ್ವೀಕರಿಸಿದ್ದಾರೆ. ಷಣ್ಮುಖ್ ಜಸ್ವಂತ್ ಶೋನಿಂದ ಹೊರಬಂದ ಬಳಿಕ ಇಬ್ಬರು ನಿಜವಾಗಿಯೂ ತಮ್ಮ ಮಾರ್ಗಗಳನ್ನು ಬೇರ್ಪಡಿಸಿದ್ದಾರೆಯೇ ಎಂಬುದನ್ನು ಕಾದು ನೋಡಬೇಕಾಗಿದೆ.