800 ಕೆಜಿ ತೂಕದ ಅಪರೂಪದ ದೈತ್ಯ ಮೀನು ಬಲೆಗೆ: ಈ ಮೀನು ಮಾರಾಟವಾದದ್ದು ಎಷ್ಟಕ್ಕೆ ಅಂದರೆ ಎಲ್ಲರೂ ದಂಗಾಗ್ತಾರೆ!
Wednesday, March 2, 2022
ಬಾಲಾಸೋರ್: 800 ಕೆಜಿ ತೂಕದ ಅಪರೂಪದ ದೈತ್ಯ ಮೀನೊಂದು ಕಳೆದ ಶುಕ್ರವಾರ ಪಶ್ಚಿಮ ಬಂಗಾಳದ ದಿಘಾ ಕರಾವಳಿ ಪ್ರದೇಶದಲ್ಲಿ ಮೀನುಗಾರರ ಬಲೆಗೆ ಬಿದ್ದಿದೆ. ಈ ಭಾರೀ ಗಾತ್ರದ ಮೀನು 50 ಲಕ್ಷ ರೂ.ಗೆ ಮಾರಾಟವಾಗಿದೆ ಎಂದರೆ ನೀವು ನಂಬಲೇಬೇಕು.
ಸಮುದ್ರ ದಡದಿಂದ ಸುಮಾರು 175 ಕಿ.ಮೀ. ದೂರದ ಆಳಸಮುದ್ರದಲ್ಲಿ ಮೀನುಗಾರಿಕೆ ನಡೆಸಿರುವ ಬೋಟ್ (ಟ್ರಾಲರ್) ಈ ಮೀನನ್ನು ಹಿಡಿದಿದೆ. ವರದಿಗಳ ಪ್ರಕಾರ 11 ಅಡಿ ಉದ್ದ, 9 ಅಡಿ ಅಗಲ ಇರುವ ಈ ಮೀನು 800 ಕೆಜಿ ತೂಕವಿತ್ತು. ಅಪರೂಪದ ಮೀನು ಬಲೆಗೆ ಬಿದ್ದಿರುವ ಸುದ್ದಿ ಕೇಳಿ ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ ಕಣ್ತುಂಬಿಕೊಂಡಿದ್ದಾರೆ.
ಈ ದೈತ್ಯ ಮೀನನ್ನು ಮೇದಿನಿಪುರದ ದಿಘಾದ ಮೊಹ್ನಾ ಪ್ರದೇಶದಲ್ಲಿ ಹರಾಜಿನಲ್ಲಿ ಮಾರಾಟ ಮಾಡಲಾಗಿದೆ ಎಂದು ತಿಳಿದು ಬಂದಿದೆ. ಬರೋಬ್ಬರಿ 50 ಲಕ್ಷ ರೂ.ಗೆ ಈ ಮೀನು ಮಾರಾಟವಾಗಿದೆ ಎಂದು ಹೇಳಲಾಗಿದೆ.