ಬೈಕ್​​ನಲ್ಲಿ ಬಂದ ದುಷ್ಕರ್ಮಿಗಳಿಬ್ಬರಿಂದ ಯುವತಿಯ ಮೇಲೆ ಆಸಿಡ್​ ದಾಳಿ!

ಪಾಟ್ನಾ: ಬೈಕ್​​ನಲ್ಲಿ ಬಂದ ದುಷ್ಕರ್ಮಿಗಳಿಬ್ಬರು ಏಕಾಏಕಿ ಯುವತಿಯೋರ್ವಳ ಮೇಲೆ ಆಸಿಡ್​ ದಾಳಿ ಮಾಡಿರುವ ಪೈಶಾಚಿಕ ಕೃತ್ಯವೊಂದು ಬಿಹಾರ ರಾಜ್ಯದ ರೋಹಟಕ್​​ ಜಿಲ್ಲೆಯಲ್ಲಿ ನಡೆದಿದೆ.

ಶಿಲ್ಪಾ ಕುಮಾರಿ ಎಂಬ ಯುವತಿ ತನ್ನ ಸಹೋದರನೊಂದಿಗೆ ಕುಟುಂಬಸ್ಥರ ಮನೆಗೆ ತೆರಳುತ್ತಿದ್ದಳು. ಈ ವೇಳೆ‌ ಮುಖ ಮುಚ್ಚುವಂತೆ ಹೆಲ್ಮಟ್​ ಧರಿಸಿದ್ದ  ಇಬ್ಬರು ದುಷ್ಕರ್ಮಿಗಳು, ಯುವತಿಯ ಮೇಲೆ ಆಸಿಡ್​ ಎರಚಿ ಪರಾರಿಯಾಗಿದ್ದಾರೆ. 

ಈ ದಾಳಿಯಿಂದ ಯುವತಿಯ ಮುಖದ ಅರ್ಧ ಭಾಗ ಸುಟ್ಟುಹೋಗಿದೆ. ತಕ್ಷಣ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಈ ಬಗ್ಗೆ ಪ್ರಕರಣ ದಾಖಲಿಸಿರುವ ಪೊಲೀಸರು ಆರೋಪಿಗಳ ಪತ್ತೆಗಾಗಿ ಬಲೆ ಬೀಸಿದ್ದಾರೆ.