ಕೇವಲ ಒಂದು ಟ್ವೀಟ್ ನಿಂದ ಸಿಕ್ಕಿತು ಫುಡ್ ಡೆಲಿವರಿ ಮಾಡುತ್ತಿದ್ದಾತನಿಗೆ ಬೈಕ್ ಉಡುಗೊರೆ
Wednesday, April 13, 2022
ಜೈಪುರ: ದಿನನಿತ್ಯ ಸೈಕಲ್ ನಲ್ಲಿ ಫುಡ್ ಡೆಲಿವರಿ ಮಾಡುತ್ತಿದ್ದ ವ್ಯಕ್ತಿಗೆ ಕೇವಲ ಒಂದೇ ಒಂದು ಟ್ವೀಟ್ ಬೈಕ್ ಉಡುಗೊರೆಯಾಗಿ ದೊರಕುವಂತೆ ಮಾಡಿದೆ.
ರಾಜಸ್ಥಾನದಲ್ಲಿ ಬಿರು ಬಿಸಿಲಿರುವುದರಿಂದ ಹೊರ ಬರಲು ಆಗದೆ ಆದಿತ್ಯ ಶರ್ಮಾ ಎಂಬುವವರು ಹೊಟೇಲ್ ನಿಂದ ಫುಡ್ ಆರ್ಡರ್ ಮಾಡಿದ್ದರು. ದುರ್ಗಾ ಮೀನಾ(31) ಯುವಕ ಸೈಕಲ್ನಲ್ಲಿ ಅವರಿಗೆ ಫುಡ್ ಡೆಲಿವರಿ ಮಾಡಿದ್ದರು. 'ಇಷ್ಟೊಂದು ಬಿರುಬಿಸಿಲಿನಲ್ಲಿ ಈ ವ್ಯಕ್ತಿ ಸೈಕಲ್ ಮೂಲಕವೇ ಫುಡ್ ಡೆಲಿವರಿ ಮಾಡಿದ್ದರು. ಇವರಿಗೊಂದು ಬೈಕ್ ಇದ್ದಿದ್ದರೆ ಚೆನ್ನಾಗಿರುತ್ತಿತ್ತು' ಎಂದು ಆದಿತ್ಯ ಶರ್ಮಾ ಟ್ವೀಟ್ ಮಾಡಿದ್ದರು. ಅವರು ಮಾಡಿರುವ ಒಂದೇ ಒಂದು ಟ್ವಿಟ್ ದುರ್ಗಾ ಮೀನಾ ಎಂಬಾತನ ಬದುಕನ್ನೇ ಬದಲಾಯಿಸಿದೆ.
ಸೈಕಲ್ ತುಳಿದುಕೊಂಡೇ ದುರ್ಗಾ ಮೀನಾ ಫುಡ್ ಡೆಲಿವರಿ ಮಾಡಿಕೊಂಡು ತಿಂಗಳಿಗೆ ಕೇವಲ 10 ಸಾವಿರ ರೂ. ಮಾತ್ರ ಗಳಿಸುತ್ತಿದ್ದರು. ಇದೀಗ ಇವರಿಗೆ ಬೈಕ್ ಉಡುಗೊರೆಯಾಗಿ ದೊರೆತಿದೆ. ಈ ಮೂಲಕ ಅವರಿಗೆ ಹೆಚ್ಚು ಹೆಚ್ಚು ಫುಡ್ ಡೆಲಿವರಿ ಮಾಡಿ ಅಧಿಕ ಹಣ ಗಳಿಸಲು ಸಹಾಯವಾಗಿದೆ.