![ಮಂಗಳೂರು ನೂತನ ಮೇಯರ್ ( MAYOR) ಆಗಿ ಜಯನಂದ ಅಂಚನ್, ಉಪಮೇಯರ್ ( DEPUTY MAYOR) ಆಗಿ ಪೂರ್ಣಿಮಾ ಆಯ್ಕೆ ಮಂಗಳೂರು ನೂತನ ಮೇಯರ್ ( MAYOR) ಆಗಿ ಜಯನಂದ ಅಂಚನ್, ಉಪಮೇಯರ್ ( DEPUTY MAYOR) ಆಗಿ ಪೂರ್ಣಿಮಾ ಆಯ್ಕೆ](https://blogger.googleusercontent.com/img/b/R29vZ2xl/AVvXsEhZF-t1Slzo4ewV-gxJZJu4sVvUNXZKxu22C34kGufz0tg5EdV21ClLHwtyz8h-bIOwxFrTyUXDq3igOSto_B9qRhSROysQdUiXYb2m-e4XyKV4G-yv2jrpqn_BsuuaTgmkeabp_KatlzqU/s1600/1662709137141718-0.png)
ಮಂಗಳೂರು ನೂತನ ಮೇಯರ್ ( MAYOR) ಆಗಿ ಜಯನಂದ ಅಂಚನ್, ಉಪಮೇಯರ್ ( DEPUTY MAYOR) ಆಗಿ ಪೂರ್ಣಿಮಾ ಆಯ್ಕೆ
Friday, September 9, 2022
ಮಂಗಳೂರು: ಮಂಗಳೂರು ಮಹಾನಗರ ಪಾಲಿಕೆಗೆ ( Mangalore city corporation ) ಇಂದು ನಡೆದ ಮೇಯರ್ ಉಪಮೇಯರ್ ಚುನಾವಣೆಯಲ್ಲಿ ಬಿಜೆಪಿಯಿಂದ ಸ್ಪರ್ಧಿಸಿದ್ದ ಜಯನಂದ ಅಂಚನ್ (Jayananda Anchan) ಮತ್ತು ಪೂರ್ಣಿಮಾ (Poornima) ಬಹುಮತಗಳಿಂದ ಆಯ್ಕೆಯಾದರು.
ಕದ್ರಿ ಪದವು ವಾರ್ಡ್ ನ ಜಯನಂದ ಅಂಚನ್ ಮೇಯರ್ ( mayor) ಆಗಿ, ಸೆಂಟ್ರಲ್ ಮಾರ್ಕೆಟ್ ವಾರ್ಡ್ ನ ಪೂರ್ಣಿಮಾ ಅವರು ಉಪಮೇಯರ್ ( Deputy mayor) ಆಗಿ ಆಯ್ಕೆಯಾದರು.
ಇಂದು ನಡೆದ ಚುನಾವಣೆಯಲ್ಲಿ ಮೇಯರ್ ಸ್ಥಾನಕ್ಕೆ ಬಿಜೆಪಿಯಿಂದ ಜಯನಂದ ಅಂಚನ್ ಕಾಂಗ್ರೆಸ್ ನಿಂದ ಶಶಿಧರ್ ಹೆಗ್ಡೆ, ಉಪಮೇಯರ್ ಸ್ಥಾನಕ್ಕೆ ಬಿಜೆಪಿಯಿಂದ ಪೂರ್ಣಿಮಾ , ಕಾಂಗ್ರೆಸ್ ನಿಂದ ಝೀನತ್ ಸಂಶುದ್ದೀನ್ ಸ್ಪರ್ಧಿಸಿದ್ದರು.
ಚುನಾವಣೆಯಲ್ಲಿ ಮೇಯರ್ ಮತ್ತು ಉಪಮೇಯರ್ ಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿಗಳಿಗೆ 46 ಮತಗಳು , ಕಾಂಗ್ರೆಸ್ ಅಭ್ಯರ್ಥಿಗಳಿಗೆ 14 ಮತಗಳು ಲಭಿಸಿದವು. ಎಸ್ ಡಿಪಿಐ ನ ಇಬ್ಬರು ಸದಸ್ಯರು ಚುನಾವಣೆಯಲ್ಲಿ ತಟಸ್ಥರಾಗಿದ್ದರು. ಬಿಜೆಪಿ ಇಬ್ಬರು ಶಾಸಕರಾದ ವೇದವ್ಯಾಸ ಕಾಮತ್ ಮತ್ತು ಭರತ್ ಶೆಟ್ಟಿ ಚುನಾವಣೆಯಲ್ಲಿ ಪಾಲ್ಗೊಂಡು ಮತ ಚಲಾಯಿಸಿದ್ದಾರೆ.
ಮಂಗಳೂರು ಮಹಾನಗರ ಪಾಲಿಕೆಯಲ್ಲಿ 60 ಸ್ಥಾನಗಳಿದ್ದು, ಬಿಜೆಪಿಯ 44 ಸದಸ್ಯರು, ಕಾಂಗ್ರೆಸ್ ನ 14 ಸದಸ್ಯರು , ಎಸ್ ಡಿ ಪಿ ಐ ನ ಇಬ್ಬರು ಸದಸ್ಯರಿದ್ದಾರೆ. ಪಾಲಿಕೆ ವ್ಯಾಪ್ತಿಗೆ ಸೇರಿದ ಇಬ್ಬರು ಶಾಸಕರು ಸೇರಿದಂತೆ 62 ಸದಸ್ಯರು ಚುನಾವಣೆಯಲ್ಲಿ ಪಾಲ್ಗೊಂಡರು. ಚುನಾವಣಾಧಿಕಾರಿ ಮೈಸೂರು ವಿಭಾಗದ ಪ್ರಾದೇಶಿಕ ಆಯುಕ್ತ ಡಾ ಜೆ ಸಿ ಪ್ರಕಾಶ್ ಚುನಾವಣೆ ನಡೆಸಿಕೊಟ್ಟರು.