![ಉಂಗುರ ನುಂಗಿ ಎಂಟು ತಿಂಗಳ ಶಿಶು ಮೃತ್ಯು ಉಂಗುರ ನುಂಗಿ ಎಂಟು ತಿಂಗಳ ಶಿಶು ಮೃತ್ಯು](https://lh3.googleusercontent.com/-9NpZL9RP8t4/ZBxDI6XFanI/AAAAAAAATiM/5eILbN45bPca0P-KXwm6YURQ3NzxKVHUgCNcBGAsYHQ/s1600/1679573793020670-0.png)
ಉಂಗುರ ನುಂಗಿ ಎಂಟು ತಿಂಗಳ ಶಿಶು ಮೃತ್ಯು
Thursday, March 23, 2023
ಕೊಡಗು: ಉಂಗುರವನ್ನು ನುಂಗಿರುವ ಎಂಟು ತಿಂಗಳ ಹಸುಗೂಸೊಂದು ಮೃತಪಟ್ಟಿರುವ ಹೃದಯವಿದ್ರಾವಕ ಘಟನೆ ನಡೆದಿದೆ.
ವಿರಾಜಪೇಟೆ ತಾಲ್ಲೂಕಿನ ಸಿದ್ದಾಪುರ ಗ್ರಾಪಂ ವ್ಯಾಪ್ತಿಯ ಕರಡಿಗೋಡು ಗ್ರಾಮದ ಮುನೀರ್ ಎಂಬವರ ಎಂಟು ತಿಂಗಳ ಶಿಶು ಬುಧವಾರ ರಾತ್ರಿ ಮನೆಯಲ್ಲಿ ಆಟವಾಡುತ್ತಿತ್ತು. ಈ ವೇಳೆ ಆಕಸ್ಮಿಕವಾಗಿ ಉಂಗುರ ನುಂಗಿತ್ತು. ತಕ್ಷಣ ಮಗುವನ್ನು ಸಿದ್ದಾಪುರ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ದಾಖಲಿಸಿದರೂ ತೀವ್ರ ಉಸಿರಾಟದ ಸಮಸ್ಯೆಯಿಂದಾಗಿ ಮಡಿಕೇರಿ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿತ್ತು ಎಂದು ತಿಳಿದು ಬಂದಿದೆ. ಶಸ್ತ್ರಚಿಕಿತ್ಸೆ ಮೂಲಕ ಉಂಗುರವನ್ನು ಹೊರತೆಗೆಯಲಾಗಿತ್ತು.ಆದರೂ ಚಿಕಿತ್ಸೆ ಫಲಿಸದೆ ಗುರುವಾರ ಬೆಳಗ್ಗಿನ ಜಾವ ಶಿಶು ಮೃತಪಟ್ಟಿದೆ ಎಂದು ತಿಳಿದು ಬಂದಿದೆ.