ತಮನ್ನಾಗೆ 2ಕೋಟಿ ರೂ. ಬೆಲೆಬಾಳುವ ವಜ್ರದುಂಗುರ ಗಿಫ್ಟ್ ಮಾಡಿದ ಸ್ಟಾರ್ ನಟನ ಪತ್ನಿ

ಹೈದರಾಬಾದ್: ನಟಿ ತಮನ್ನಾ ಭಾಟಿಯಾ ವಿಶ್ವದ ಐದನೇ ಅತಿ ದೊಡ್ಡ ವಜ್ರದ ಒಡತಿಯಾಗಿದ್ದಾರೆ. ಮಿಲ್ಕಿ ಬ್ಯೂಟಿ ತಮಾನ್ನಾ ಅವರು ತಮ್ಮ ಬೆರಳುಗಳಿಗೆ ಬೃಹತ್ ವಜ್ರದಿಂದ ಮಾಡಿದ ಉಂಗುರವನ್ನು ಧರಿಸಿದ್ದ ಫೋಟೋ ಸೋಶಿಯಲ್​​ ಮೀಡಿಯಾದಲ್ಲಿ ವೈರಲ್​​ ಆಗಿದೆ.

ಇತ್ತೀಚೆಗೆ, ತಮನ್ನಾ ಅವರು ಜೀ ಕರ್ದಾ ಮತ್ತು ಲಸ್ಟ್ ಸ್ಟೋರೀಸ್ 2 ನಲ್ಲಿ ನಟಿಸಿದರು. ಮಿಲ್ಕಿ ಬ್ಯೂಟಿ ಬೋಲ್ಡ್ ಸೀನ್ ಗಳಲ್ಲಿ ನಟಿಸಿದ್ದಕ್ಕೆ ಭಾರೀ ಟೀಕೆ ವ್ಯಕ್ತವಾಗಿತ್ತು. ಇದೀಗ ತಮನ್ನಾ ಬಗ್ಗೆ ಒಂದು ಕುತೂಹಲಕಾರಿ ಸಂಗತಿ ಹೊರಬಿದ್ದಿದೆ. ಅದೇನೆಂದರೆ. ವಿಶ್ವದ ಐದನೇ ಅತಿ ದೊಡ್ಡ ವಜ್ರ ತಮನ್ನಾ ಅವರ ಬಳಿ ಇದೆ ಎನ್ನಲಾಗಿದೆ.

ಈ ವಜ್ರದ ಉಂಗುರದ ಬೆಲೆ ಬರೋಬ್ಬರಿ 2 ಕೋಟಿ ರೂಪಾಯಿ. ವಜ್ರವನ್ನು ಅತ್ಯಂತ ಸುಂದರವಾದ ಆಕಾರದಲ್ಲಿ ತಯಾರಿಸಿರುವುದೇ ಅದರ ಬೆಲೆ ಇಷ್ಟೊಂದು ಹೆಚ್ಚಾಗಲು ಕಾರಣ. ಈ ಉಂಗುರವನ್ನು ಸೂಪರ್ ಸ್ಟಾರ್ ರಾಮ್ ಚರಣ್ ಪತ್ನಿ ಉಪಾಸನಾ ಕಾಮಿನೇನಿ ಅವರು ತಮನ್ನಾಗೆ ಉಡುಗೊರೆಯಾಗಿ ನೀಡಿದ್ದಾರೆ.

ಮೆಗಾಸ್ಟಾರ್ ಚಿರಂಜೀವಿ ಅಭಿನಯದ ಸೈರಾ ನರಸಿಂಹ ರೆಡ್ಡಿ ಚಿತ್ರದಲ್ಲಿ ತಮನ್ನಾ ಪವರ್ ಫುಲ್ ಪಾತ್ರ ನಿರ್ವಹಿಸಿದ್ದಾರೆ. ಈ ಸಿನಿಮಾದಲ್ಲಿ ತಮನ್ನಾ ಅಭಿನಯವೂ ಮನಮೋಹಕವಾಗಿತ್ತು.‌ ಆದ್ದರಿಂದ ಆಕೆಯ ಮೇಲಿನ ಅಭಿಮಾನದಿಂದ ಈ ವಜ್ರದ ಉಂಗುರವನ್ನು ಉಪಾಸನಾ ಅವರು ಉಡುಗೊರೆಯಾಗಿ ನೀಡಿದ್ದಾರೆ.