ಕೇವಲ 500 ರೂಪಾಯಿಗೆ ಪಾವತಿಸಿದ್ರೆ ಸಾಕು ಸಿಗ್ತದೆ ಯಮಹಾ ಇ ಬೈಕ್
ದೆಹಲಿ: ಕೇವಲ 500 ರೂಪಾಯಿ ಪಾವತಿಸಿದ್ರೆ ಸಾಕು ಯಮಹಾ ಇ ಬೈಕ್ ಖರೀದಿಸಬಹುದು. ಇದನ್ನು ಒಮ್ಮೆ ಚಾರ್ಜ್ ಮಾಡಿದರೆ 85 ಕಿ.ಮೀ. ವ್ಯಾಪ್ತಿಯಲ್ಲಿ ಚಲಿಸುವ ಇಲೆಕ್ಟ್ರಿಕ್ ಸೈಕಲ್‌ಗೆ ಭಾರಿ ಬೇಡಿಕೆ ವ್ಯಕ್ತವಾಗುತ್ತಿದೆ.
ಭಾರತದಲ್ಲಿ ಇಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳಿಗೆ ಬೇಡಿಕೆ ಹೆಚ್ಚುತ್ತಿದೆ. ಕೇಂದ್ರ ಸರ್ಕಾರದ ಪಿಎಂ ಇ-ಡ್ರೈವ್ ಎಂಬ ಹೊಸ ಇಲೆಕ್ಟ್ರಿಕ್ ವಾಹನ ಸಬ್ಸಿಡಿ ನೀತಿಯಿಂದ, ಇಲೆಕ್ಟ್ರಿಕ್ ವಾಹನಗಳ ಮಾರಾಟ ಇನ್ನಷ್ಟು ಹೆಚ್ಚಾಗುವ ನಿರೀಕ್ಷೆಯಿದೆ. ಸದ್ಯ ಫೇಮ್ 2 ಅಡಿಯಲ್ಲಿ ಕೇಂದ್ರ ಸರ್ಕಾರ ಸಬ್ಸಿಡಿ ನೀಡುತ್ತಿದೆ. ಇದರೊಂದಿಗೆ ಭಾರತದಲ್ಲಿ ಇಂಧನ ವಾಹನಗಳಂತೆ ಕಡಿಮೆ ದರದಲ್ಲಿ ಇವಿ ಲಭ್ಯವಾಗಲಿದೆ ಎಂದು ಕೇಂದ್ರ ಸಚಿವ ನಿತಿನ್ ಗಡ್ಕರಿ ಹೇಳಿದ್ದಾರೆ.
ಇಲೆಕ್ಟ್ರಿಕ್‌ನಲ್ಲಿ ಚಲಿಸುವ ಉತ್ತಮ ದ್ವಿಚಕ್ರ ವಾಹನಗಳ ಬೆಲೆ ಕನಿಷ್ಠ 70 - 80 ಸಾವಿರದವರೆಗೆ ಇದೆ. ಅವುಗಳನ್ನು ಖರೀದಿಸಲು ಸಾಧ್ಯವಾಗದವರಿಗೆ ಇಲೆಕ್ಟ್ರಿಕ್ ಸೈಕಲ್ ಉತ್ತಮ ಆಯ್ಕೆಯಾಗಿದೆ. ಯಮಹಾ ಕಂಪನಿಯು ಇಲೆಕ್ಟ್ರಿಕ್ ಸೈಕಲ್ ಮಾರಾಟದಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದೆ. ವಿವಿಧ ಮಾದರಿಗಳಲ್ಲಿ ಇಲೆಕ್ಟ್ರಿಕ್ ಸೈಕಲ್‌ಗಳು ಬರುತ್ತಿವೆ. ಇವುಗಳ ಆರಂಭಿಕ ಬೆಲೆ ಸುಮಾರು 40,000 ರೂಪಾಯಿಗಳಿಂದ ಪ್ರಾರಂಭವಾಗುತ್ತದೆ.
ಇಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳಂತೆಯೇ, ಇಲೆಕ್ಟ್ರಿಕ್ ಸೈಕಲ್ ತಯಾರಿಕಾ ಕಂಪನಿಗಳು ವಿವಿಧ ಕೊಡುಗೆಗಳನ್ನು ನೀಡುತ್ತವೆ. ಇದಲ್ಲದೆ, ಬ್ಯಾಂಕ್‌ಗಳು ಸಹ ಸಾಲ ನೀಡುತ್ತಿವೆ. ಇತರ ವಾಹನಗಳಂತೆಯೇ ಇವುಗಳನ್ನು ಸಹ 7 ವರ್ಷಗಳ ಇಎಂಐ ಮೂಲಕ ಖರೀದಿಸಬಹುದು. ಯಮಹಾ ಲೆಕ್ಟ್ರಿಕ್ ಸೈಕಲ್ ಅನ್ನು ಕೇವಲ 500 ರೂಪಾಯಿ ಡೌನ್ ಪೇಮೆಂಟ್ ಮಾಡಿ ಖರೀದಿಸಬಹುದು. ಉಳಿದ ಮೊತ್ತವನ್ನು ಮಾಸಿಕ ಇಎಂಐನಲ್ಲಿ ಪಾವತಿಸಬೇಕಾಗುತ್ತದೆ. ಬೆಲೆ ಮತ್ತು ಅವಧಿಯನ್ನು ಅವಲಂಬಿಸಿ ಇಎಂಐ ನಿರ್ಧರಿಸಲಾಗುತ್ತದೆ. ಕೆಲವು ಬ್ಯಾಂಕ್‌ಗಳು ಡೌನ್ ಪೇಮೆಂಟ್ ಇಲ್ಲದೆ ಖರೀದಿಸುವ ಸೌಲಭ್ಯವನ್ನು ಸಹ ನೀಡಬಹುದು.
ಯಮಹಾ ಇಲೆಕ್ಟ್ರಿಕ್ ಸೈಕಲ್ ಸ್ಟೈಲಿಶ್ ನೋಟ ಮತ್ತು ಹಲವಾರು ಅತ್ಯುತ್ತಮ ವೈಶಿಷ್ಟ್ಯಗಳನ್ನು ಹೊಂದಿದೆ. ಟಿಎಫ್‌ಟಿ ಡಿಸ್ಪ್ಲೇ, ಡಿಜಿಟಲ್ ಇನ್ಸ್ಟ್ರುಮೆಂಟ್ ಕಲೆಕ್ಟರ್, USB ಚಾರ್ಜಿಂಗ್ ಪೋರ್ಟ್ ಮತ್ತು ಅಡ್ಜಸ್ಟೇಬಲ್ ಸೀಟು, ಮುಂಭಾಗ ಮತ್ತು ಹಿಂಭಾಗದ ಡಿಸ್ಕ್ ಬ್ರೇಕ್, ವೇಗದ ಚಾರ್ಜಿಂಗ್ ಬೆಂಬಲ, ಹೆಡ್‌ಲೈಟ್ ರಿಫ್ಲೆಕ್ಟರ್ ಮುಂತಾದ ಹಲವು ವಿಶೇಷ ವೈಶಿಷ್ಟ್ಯಗಳನ್ನು ಹೊಂದಿದೆ. ಖರೀದಿಸುವ ಸೈಕಲ್ ಮಾದರಿಯನ್ನು ಅವಲಂಬಿಸಿ ವೈಶಿಷ್ಟ್ಯಗಳು ಇರುತ್ತವೆ.
ಈ ಇಲೆಕ್ಟ್ರಿಕ್ ಸೈಕಲ್‌ನ ಕಾರ್ಯಕ್ಷಮತೆಯೂ ಅತ್ಯುತ್ತಮವಾಗಿದೆ. ಬ್ಯಾಟರಿ ಪ್ಯಾಕ್ ಮತ್ತು ವ್ಯಾಪ್ತಿ ಬಲವಾಗಿದೆ. ಈ ಸೈಕಲ್ 250 ವ್ಯಾಟ್ ಬಿಎಲ್‌ಡಿಸಿ ಮೋಟಾರ್ ಅನ್ನು ಬಳಸುತ್ತದೆ. ಇದರಲ್ಲಿ ಬಳಸಲಾದ ಬ್ಯಾಟರಿಗೆ ಯಮಹಾ 4 ವರ್ಷಗಳ ವಾರಂಟಿಯನ್ನು ಸಹ ನೀಡುತ್ತದೆ.