ಈ ಸಣ್ಣ ಕಾಳು ಕೊಲೆಸ್ಟ್ರಾಲ್ ಅನ್ನು ಕರಗಿಸುತ್ತದೆ: ಹಲವಾರು ರೋಗಗಳ ಉಪಶಮನಕ್ಕೆ ಇದು ಪರಿಣಾಮಕಾರಿ
ಬೆಂಗಳೂರು: ಓಮ ಕಾಳು ಭಾರತೀಯ ಮಸಾಲೆ ಪದಾರ್ಥದಲ್ಲಿ ಹೆಸರುವಾಸಿ. ಇದನ್ನು ಸಾಮಾನ್ಯವಾಗಿ ಅಜೀರ್ಣ, ಗ್ಯಾಸ್ ಮತ್ತು ಹೊಟ್ಟೆನೋವಿನಂತಹ ಜಠರ, ಕರುಳಿನ ಸಮಸ್ಯೆಗಳಿಗೆ ಪರಿಹಾರವಾಗಿ ಬಳಸಲಾಗುತ್ತದೆ. ಓಮ ಕಾಳುಗಳು ಕಾರ್ಮಿನೇಟಿವ್, ಆ್ಯಂಟಿಮೈಕ್ರೊಬಿಯಲ್ ಮತ್ತು ಪಿತ್ತಜನಕಾಂಗವನ್ನು ರಕ್ಷಿಸುವ ಗುಣಗಳನ್ನು ಹೊಂದಿವೆ.
ಇದು ರಕ್ತದೊತ್ತಡ ಶಮನಗೊಳಿಸುತ್ತದೆ. ಮತ್ತು ಬ್ರಾಂಕೋಡಿಲೇಟರಿ (ಶ್ವಾಸಕೋಶಕ್ಕೆ ಗಾಳಿಯ ಹರಿವನ್ನು ಹೆಚ್ಚಿಸುವ ವಸ್ತು) ಗುಣಲಕ್ಷಣಗಳನ್ನು ಹೊಂದಿದೆ. ಓಮ ಕಾಳಿನ ನೀರಿನ ಸೇವನೆ ಅಜೀರ್ಣ ಮತ್ತು ಆಮ್ಲೀಯತೆಗೆ ಪರಿಣಾಮಕಾರಿ ಮನೆಮದ್ದು. ಒಂದು ಲೋಟ ಬಿಸಿನೀರಿನಲ್ಲಿ ಸ್ವಲ್ಪ ಹುರಿದ ಓಮ ಕಾಳನ್ನು ಸೇರಿಸುವ ಮೂಲಕ ಇದನ್ನು ತಯಾರಿಸಬಹುದು. ಓಮ ಪುಡಿಯನ್ನು ಸಂಧಿವಾತ ರೋಗಿಗಳಿಗೆ ರಾಮಬಾಣ. ಜೊತೆಗೆ ಮಲಬದ್ಧತೆಯು ನಿವಾರಣೆಯಾಗುತ್ತದೆ. ಇದು ಅದರ ವಿರೇಚಕ ಗುಣಲಕ್ಷಣಗಳನ್ನು ಹೊಂದಿದೆ. ಅಜವಾನದ ಕುರಿತ ಪ್ರಮುಖ ಎಚ್ಚರಿಕೆಯೆಂದರೆ, ಗರ್ಭಾವಸ್ಥೆಯಲ್ಲಿ ಇದನ್ನು ಸೇವಿಸಬಾರದು. ಏಕೆಂದರೆ, ಇದು ಗರ್ಭಪಾತಕ್ಕೆ ಕಾರಣವಾಗಬಹುದು.
ಓಮಕ್ಕೆ ಯಾವೆಲ್ಲಾ ಹೆಸರುಗಳಿವೆ?: ಟ್ರಾಕಿಸ್ಪರ್ಮಮ್ ಅಮ್ಮಿ, ಬಿಷಪ್ಸ್ ವೀಡ್, ಡಿಪ್ಯಾಕ, ಯಮಾನಿ, ಯಮಾನಿಕಾ, ಜೈನ್, ಯವನ್, ಜವಾನ್, ಯವಾನಿ, ಯೋಯಾನ, ಅಜ್ಮಾ, ಅಜ್ಮೋ, ಜವೈನ್, ಜೇವೈನ್, ಓಮಾ, ಯೋಮ್, ಅಜಮಾನ, ಓಮನ್, ಓಂ ಕಾಳು, ಜುಡಕಾನ್, ಆನ್ವಮಾ, ಜುಡಕನ್, ವಾಮು ಹೆಸರಿನಿಂದಲೂ ಕರೆಯುತ್ತಾರೆ.
ಓಮದಲ್ಲಿರುವ ಹಲವಾರು ಸಾರಭೂತ ತೈಲಗಳು, ವಿಶೇಷವಾಗಿ ಥೈಮೋಲ್ ಮತ್ತು ಕಾರ್ವಾಕ್ರೋಲ್, ಬ್ಯಾಕ್ಟೀರಿಯಾ ಮತ್ತು ಶಿಲೀಂಧ್ರಗಳ ಬೆಳವಣಿಗೆಯ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ಅವುಗಳೆಂದರೆ ಸಾಲ್ಮೊನೆಲ್ಲಾ ಮತ್ತು ಇ.ಕೋಲಿಯಂತಹ ಬ್ಯಾಕ್ಟೀರಿಯಾದ ವಿರುದ್ಧ ಹೋರಾಡಲು ಸಹ ಸಹಾಯ ಮಾಡುತ್ತದೆ. ಇದು ಆಹಾರ ವಿಷ ಮತ್ತು ಹೊಟ್ಟೆಗೆ ಸಂಬಂಧಿಸಿದ ಸಮಸ್ಯೆಗಳನ್ನು ತಡೆಯುತ್ತದೆ.
ಓಮದಲ್ಲಿರುವ ಥೈಮಾಲ್ ಹೃದಯದ ರಕ್ತನಾಳಗಳಿಗೆ ಕ್ಯಾಲ್ಸಿಯಂ ಪ್ರವೇಶಿಸುವುದನ್ನು ತಡೆಯುವ ಮೂಲಕ ರಕ್ತದೊತ್ತಡ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇಲಿಗಳ ಮೇಲೆ ನಡೆಸಿದ ಸಂಶೋಧನೆಯಲ್ಲಿ ಇದು ಬೆಳಕಿಗೆ ಬಂದಿದೆ.
ಓಮದಲ್ಲಿರುವ ಸಕ್ರಿಯ ಕಿಣ್ವಗಳು ಹೊಟ್ಟೆಯ ಆಮ್ಲದ ಹರಿವನ್ನು ಸುಧಾರಿಸುತ್ತದೆ. ಇದರಿಂದಾಗಿ ಅಜೀರ್ಣ, ಉಬ್ಬುವುದು ಮತ್ತು ಅನಿಲದಿಂದ ಪರಿಹಾರವನ್ನು ನೀಡುತ್ತದೆ. ಈ ಕಾಳು ಪೆಪ್ಟಿಕ್ ಹುಣ್ಣುಗಳು ಮತ್ತು ಅನ್ನನಾಳ, ಹೊಟ್ಟೆ ಮತ್ತು ಕರುಳಿನಲ್ಲಿನ ಗಾಯಗಳಿಗೆ ಚಿಕಿತ್ಸೆ ನೀಡಲು ಸಹಾಯ ಮಾಡುತ್ತದೆ. ಅಜವಾನ ಕಿಣ್ವಗಳನ್ನು ಹೊಂದಿರುತ್ತದೆ. ಇವು ಹೊಟ್ಟೆಯ ಆಮ್ಲವನ್ನು ಸುಧಾರಿಸುತ್ತದೆ. ಇದು ಅಜೀರ್ಣ, ಗ್ಯಾಸ್ಟ್ರಿಕ್ನಂತಹ ಸಮಸ್ಯೆಗಳನ್ನು ದೂರ ಮಾಡುತ್ತದೆ. ಇದನ್ನು ಸೇವಿಸುವುದರಿಂದ ಅಲ್ಸರ್ ವಾಸಿಯಾಗುತ್ತದೆ. ಮತ್ತು ಅನ್ನನಾಳ, ಹೊಟ್ಟೆ ಮತ್ತು ಕರುಳುಗಳಲ್ಲಿ ಊತ ಕಡಿಮೆಯಾಗುತ್ತದೆ.
ಅಧಿಕ ಕೊಲೆಸ್ಟ್ರಾಲ್ ಸಮಸ್ಯೆಯಿಂದ ಬಳಲುತ್ತಿರುವವರು ಓಮದ ನೀರನ್ನು ಕುಡಿಯುವ ಮೂಲಕ ಕೊಲೆಸ್ಟ್ರಾಲ್ ಅನ್ನು ಕರಗಿಸಬಹುದು. ಓಮದ ಸೇವನೆಯು ಚಯಾಪಚಯ ಕ್ರಿಯೆಯನ್ನು ಹೆಚ್ಚಿಸುತ್ತದೆ. ಇದು ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡುತ್ತದೆ. ಇದರಿಂದ ದೇಹದ ಇತರ ಸಮಸ್ಯೆಗಳೂ ದೂರವಾಗುತ್ತವೆ. ಇದರಿಂದ ತೂಕವೂ ಕಡಿಮೆಯಾಗುತ್ತದೆ. ಇದರ ಔಷಧೀಯ ಗುಣಗಳು ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡುತ್ತದೆ. ಓಮ ಕಾಳನ್ನು ಕೊಲೆಸ್ಟ್ರಾಲ್ ಕರಗಿಸುವ ಗುಣ ಹೊಂದಿದೆ.
ಓಮ ನೋವು ಮತ್ತು ಊತವನ್ನು ಕಡಿಮೆ ಮಾಡಲು ಸಹ ಸಹಾಯ ಮಾಡುತ್ತದೆ. ಇದರ ಪೇಸ್ಟ್ ಅನ್ನು ಕೀಲುಗಳ ಚರ್ಮದ ಮೇಲೆ ಅನ್ವಯಿಸಬಹುದು, ಇದು ಸಂಧಿವಾತ ನೋವಿಗೆ ಚಿಕಿತ್ಸೆ ನೀಡುತ್ತದೆ. ಪರ್ಯಾಯವಾಗಿ, ನಿಮ್ಮ ಟಬ್ ಅನ್ನು ಬೆಚ್ಚಗಿನ ನೀರಿನಿಂದ ತುಂಬಿಸಿ ಮತ್ತು ಅದಕ್ಕೆ ಒಂದು ಹಿಡಿ ಓಮದ ಬೀಜಗಳನ್ನು ಸೇರಿಸಿ ಮತ್ತು ಸ್ನಾನ ಮಾಡಬಹುದು. ಇದು ಸಾಕಷ್ಟು ಪ್ರಯೋಜನಕಾರಿಯಾಗಿದೆ ಎಂದು ತಜ್ಞರು ತಿಳಿಸುತ್ತಾರೆ.
ಕೆಮ್ಮು, ಕಫಕ್ಕೆ ಪರಿಹಾರವನ್ನು ಒದಗಿಸುವುದರ ಜೊತೆಗೆ, ಅಜವಾನವು ನಿಮ್ಮ ಮೂಗಿನ ಲೋಳೆಯನ್ನು ತೆರವುಗೊಳಿಸುತ್ತದೆ. ಉಸಿರಾಟವನ್ನು ಸುಲಭಗೊಳಿಸುತ್ತದೆ. ಇದು ಶ್ವಾಸನಾಳದ ಟ್ಯೂಬ್‌ಗಳನ್ನು ವಿಸ್ತರಿಸಲು ಸಹಾಯ ಮಾಡುತ್ತದೆ. ಇದು ಆಸ್ತಮಾ ಹೊಂದಿರುವವರಿಗೆ ಸಹಾಯ ಮಾಡುತ್ತದೆ.
ಥೈಮೋಲ್ ಮತ್ತು ಇತರ ಸಾರಭೂತ ತೈಲಗಳ ಉರಿಯೂತದ ಗುಣಲಕ್ಷಣಗಳಿಂದಾಗಿ, ಓಮ ಹಲ್ಲು ನೋವಿನೊಂದಿಗೆ ಸಂಬಂಧಿಸಿದ ನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಬಾಯಿಯಲ್ಲಿರುವ ಬ್ಯಾಕ್ಟೀರಿಯಾ ಮತ್ತು ಶಿಲೀಂಧ್ರಗಳ ವಿರುದ್ಧ ಹೋರಾಡುವ ಮೂಲಕ ಥೈಮೋಲ್ ನಿಮ್ಮ ಬಾಯಿಯ ಆರೋಗ್ಯ ಸುಧಾರಿಸಲು ಸಹಾಯ ಮಾಡುತ್ತದೆ.
ಓಮವನ್ನು ನೀರಿನಲ್ಲಿ ಬೆರೆಸಿ ಐದು ನಿಮಿಷಗಳ ಕಾಲ ಕುದಿಸಿ. ಬೆಳಿಗ್ಗೆ ಮತ್ತು ಸಂಜೆ ಈ ಬಿಸಿನೀರನ್ನು ಕುಡಿಯುವುದರಿಂದ ದೇಹದಲ್ಲಿನ ಕೊಲೆಸ್ಟ್ರಾಲ್ ಕಡಿಮೆಯಾಗುತ್ತದೆ.
ನಾವು ರೊಟ್ಟಿ ಮತ್ತು ಪರೋಟಾಗಳನ್ನು ಸೇರಿಸುವುದು ಕೂಡ ಉತ್ತಮ.
ರುಚಿಯನ್ನು ಹೆಚ್ಚಿಸಲು ಕೋಳಿ, ಮೀನು, ಬೀನ್ಸ್, ವಿವಿಧ ಧಾನ್ಯಗಳು, ಮಾಂಸ, ಅನ್ನ, ಸೂಪ್, ಸಾಸ್‌ಗಳಲ್ಲಿ ಸೇರಿಸಿ ಬಳಕೆ ಮಾಡಬಹುದು.
ಮೆಂತ್ಯ, ಅರಿಶಿನ ಮತ್ತು ಸಾಸಿವೆ ಬೆರೆಸಿ ಉಪ್ಪಿನಕಾಯಿ ದ್ರವ ಮಾಡಬಹುದು.
ಅದೇ ರೀತಿ, 25 ಗ್ರಾಂ ಓಮವನ್ನು ರಾತ್ರಿಯಿಡೀ ಒಂದು ಲೋಟ ನೀರಿನಲ್ಲಿ ನೆನೆಸಿಡಿ. ಬೆಳಿಗ್ಗೆ ಇದನ್ನು ಕುಡಿಯುವುದರಿಂದ ಅನೇಕ ಪ್ರಯೋಜನಗಳು ಲಭಿಸುತ್ತವೆ ಎಂದು ತಜ್ಞರು ತಿಳಿಸುತ್ತಾರೆ.