ಈ ಯಂತ್ರ ಅಳವಡಿಸಿದ್ದಲ್ಲಿ ಬ್ಯುಸಿನೆಸ್ ಆರಂಭಿಸಿದ್ದಲ್ಲಿ ಪ್ರತೀ ತಿಂಗಳು 2ಲಕ್ಷ ಲಾಭ ಖಂಡಿತಾ

ಬೆಂಗಳೂರು: ಪ್ರತಿಯೊಬ್ಬರು ತಮ್ಮದೇ ಸ್ವಂತ ಉದ್ಯಮ, ವ್ಯವಹಾರ ಆರಂಭಿಸಬೇಕೆಂದು ಕನಸು ಕಾಣುತ್ತಿರುತ್ತಾರೆ. ಆದರೆ ಯಾವ ವ್ಯವಹಾರ ಆರಂಭಿಸಬೇಕು ಎಂಬುದರ ಬಗ್ಗೆ ಗೊಂದಲದಲ್ಲಿರುತ್ತಾರೆ. ಇಂದು ನಾವು ಹೇಳುವ ಬ್ಯುಸಿನೆಸ್ ಆರಂಭಿಸಿದರೆ ಪ್ರತಿ ತಿಂಗಳು 2 ಲಕ್ಷ ರೂ.ವರೆಗೂ ಹಣ ನಿಮ್ಮದಾಗಿಸಿಕೊಳ್ಳಬಹುದು. ಈ ವ್ಯವಹಾರ ಆರಂಭಿಸಲು ಸುಧಾರಿತ ತಂತ್ರಜ್ಞಾನವುಳ್ಳ ಯಂತ್ರದ ಅವಶ್ಯಕತೆ ಇರುತ್ತದೆ. ಈ ಯಂತ್ರ ಒಂದು ಬಾರಿ ಅಳವಡಿಸಿದಲ್ಲಿ ಇದರ ನಿರ್ವಹಣೆಯೂ ದುಬಾರಿಯಾಗಿರುವುದಿಲ್ಲ.

ಇಂದು ನಾವು ಹೇಳುತ್ತಿರೋದು ಕಡಲೆಹಿಟ್ಟಿನ ಬ್ಯುಸಿನೆಸ್. ಭಾರತದ ಪ್ರತಿ ಅಡುಗೆ ಮನೆಯಲ್ಲಿ ಕಡಲೆಹಿಟ್ಟು ಬಳಕೆಯಾಗುತ್ತದೆ. ಬಜ್ಜಿ, ಪಕೋಡಾ, ಸಾಂಬಾರ್, ಕರ್ರಿ, ಬೂಂದಿ, ಬೇಕರಿ ತಿಂಡಿ ಹೀಗೆ ಕಡಲೆಹಿಟ್ಟು ಬಳಸಿ ಬಗೆ ಬಗೆಯ ರುಚಿಕರ ಆಹಾರ ಸಿದ್ಧಪಡಿಸಲಾಗುತ್ತದೆ. ತ್ವಚೆಯ ರಕ್ಷಣೆಗಾಗಿ ಕಡಲೆಹಿಟ್ಟಿನ ಫೇಸ್‌ಪ್ಯಾಕ್ ಸಹ ಬಳಸಲಾಗುತ್ತದೆ. ಆದ್ದರಿಂದ ಮಳೆ, ಬಿಸಿಲು, ಚಳಿ ಏನೇ ಇರಲಿ, ಎಲ್ಲಾ ಕಾಲದಲ್ಲೂ ಕಡಲೆಹಿಟ್ಟು ಬೇಡಿಕೆಯನ್ನು ಹೊಂದಿರುತ್ತವೆ. ಹಾಗಾಗಿ ಕಡಲೆಹಿಟ್ಟು ತಯಾರಿಸುವ ಬ್ಯುಸಿನೆಸ್ ಆರಂಭಿಸಿದರೆ ಹೆಚ್ಚು ಲಾಭವನ್ನು ನಿಮ್ಮದಾಗಿಸಿಕೊಳ್ಳಬಹುದು. ನೀವು ವಾಸಿಸುವ ಪ್ರದೇಶದಲ್ಲಿ ಈ ರೀತಿಯು ಯಾವುದೇ ಫ್ಯಾಕ್ಟರಿ ಇರದಿದ್ದರೆ ಖಂಡಿತವಾಗಿ ಈ ಬ್ಯುಸಿನೆಸ್ ಆರಂಭಿಸಬಹುದು. ಸ್ಥಳೀಯ ಮಾರುಕಟ್ಟೆಯಿಂದ ಆರ್ಡರ್ ಪಡೆದುಕೊಂಡು ವ್ಯವಹಾರ ಆರಂಭಿಸಿ ಹಂತ ಹಂತವಾಗಿ ವ್ಯಾಪಾರವನ್ನು ವಿಸ್ತರಿಸಿಕೊಳ್ಳುವ ಅವಕಾಶಗಳು ಹೇರಳವಾಗಿವೆ. 

ಈ ಬ್ಯುಸಿನೆಸ್ ಆರಂಭಿಸಲು ವಿಸ್ತಾರವಾದ ಪ್ಲಾಂಟ್‌ನ ಅವಶ್ಯಕತೆಯಿದೆ. 20 HP ಸಾಮಾರ್ಥ್ಯದ ಯಂತ್ರದಿಂದ ಒಂದು ಗಂಟೆಗೆ ಸುಮಾರು 220 ಕೆಜಿಯಷ್ಟು ಹಿಟ್ಟು ತಯಾರಿಸಬಹುದು. ದಿನಕ್ಕೆ 8-10 ಗಂಟೆ ಕೆಲಸ ಮಾಡಿದರೆ 2 ಟನ್‌ವರೆಗೆ ಹಿಟ್ಟು ಉತ್ಪಾದಿಸಬಹುದು. ಕಾನ್ಪುರದ ಅಂಶುಲ್ ಅರೋರಾ ಎಂಬವರು ಈ ಬ್ಯುಸಿನೆಸ್ ಆರಂಭಿಸಿ ಯಶಸ್ಸು ಕಂಡಿದ್ದಾರೆ. ಹಾಗಾದ್ರೆ ಅಂಶುಲ್ ಏನು ಹೇಳುತ್ತಾರೆ ಎಂಬುದನ್ನು ನೋಡೋಣ ಬನ್ನಿ. 

5 HP ಮೋಟಾರ್ ಸಾಮಾರ್ಥ್ಯದ ಯಂತ್ರದಿಂದ ಗಂಟೆಗೆ ಕನಿಷ್ಠ 75 ಕೆಜಿ ಹಿಟ್ಟು ಬರುತ್ತದೆ. ಅದೇ ನೀವು 20 HP ಯಂತ್ರ ಅಳವಡಿಸಿದಲ್ಲಿ 220 ಕೆಜಿಯವರೆಗೆ ಹಿಟ್ಟು ಉತ್ಪಾದಿಸಬಹುದು. ಇದೇ ಯಂತ್ರದಲ್ಲಿ ಅಕ್ಕಿ, ಗೋಧಿ  ಹಿಟ್ಟು ಕೂಡಾ ಮಾಡಬಹುದು. ಒಂದೇ ಯಂತ್ರದಿಂದ ಎರಡಕ್ಕಿಂತ ಹೆಚ್ಚು ಪ್ರಾಡಕ್ಟ್ ಬರುತ್ತದೆ. ಹಾಗೆಯೇ ಈ ಯಂತ್ರ ಕಡಿಮೆ ಪ್ರಮಾಣದಲ್ಲಿ ವಿದ್ಯುತ್‌ನಲ್ಲಿಯೇ ಕೆಲಸ ಮಾಡುತ್ತದೆ. 1 ಕೆಜಿ ಹಿಟ್ಟು ತಯಾರಾಗಲು 30-35 ಪೈಸೆಯಷ್ಟು ವಿದ್ಯುತ್ ಬಳಕೆಯಾಗುತ್ತದೆ ಎಂದು ಅಂಶುಲ್ ಅರೋರಾ ಹೇಳುತ್ತಾರೆ. 

ದೊಡ್ಡ ಪ್ರಮಾಣದಲ್ಲಿ ಅಂದ್ರೆ ದಿನಕ್ಕೆ 2 ಟನ್‌ವರೆಗೆ ಹಿಟ್ಟು ತಯಾರಿಸಿ ಮಾರಾಟ ಮಾಡಲು ಆರಂಭಿಸಿದ್ರೆ ಪ್ರತಿ ತಿಂಗಳು 2 ಲಕ್ಷ ರೂಪಾಯಿವರೆಗೂ ಹಣ ಗಳಿಸಬಹುದಾಗಿದೆ. ಅಂಶಲು ಅವರ ಪ್ರತಿದಿನದ ಆದಾಯ 7 ರಿಂದ 8 ಸಾವಿರ ರೂಪಾಯಿ ಆಗಿದ್ದು, 1 ಕೆಜಿ ಹಿಟ್ಟಿನ ಮೇಲೆ 3 ರೂ.ವರೆಗೆ ಲಾಭ ಸಿಗುತ್ತದೆ ಎಂದು ಅಂಶಲು ವಿವರಿಸುತ್ತಾರೆ.

ಆರಂಭದಲ್ಲಿ ಸ್ಥಳೀಯ ಮಾರುಕಟ್ಟೆಯಲ್ಲಿ ಹಿಟ್ಟು ಮಾರಾಟ ಮಾಡಬಹುದಾಗಿದೆ. ನಗರ ಪ್ರದೇಶಗಳಿಗೂ ತೆರಳಿ ದೊಡ್ಡ ಅಂಗಡಿಗಳು, ಹೋಟೆಲ್, ಬೇಕರಿ ಅಂತಹ ಸ್ಥಳದಿಂದಲೂ ಆರ್ಡರ್ ಪಡೆಯಬಹುದು. Instagram, Facebook ಮೂಲಕ ನಿಮ್ಮ ಉತ್ಪನ್ನದ ಬಗ್ಗೆ ಜಾಹೀರಾತು ನೀಡಬಹುದು. ಆನ್‌ಲೈನ್ ಮಾರ್ಕೆಟಿಂಗ್‌ನಿಂದ ಆರ್ಡರ್‌ಗಳು ಬರಲು ಆರಂಭಿಸಿದ್ರೆ ನಿಮ್ಮನ್ನು ಹಿಡಿಯಲು ಯಾರಿಂದಲೂ ಸಾಧ್ಯವಿಲ್ಲ.