ಜೀರ್ಣಕ್ರಿಯೆಯಿಂದ ಹೃದಯದ ಆರೋಗ್ಯದವರೆಗೆ ಹಸಿಶುಂಠಿ ಸೇವನೆ ಎಷ್ಟೊಂದು ಉಪಯೋಗಕಾರಿ ಗೊತ್ತೇ?

ಔಷಧೀಯ ಗುಣಯುಕ್ತ ಶುಂಠಿಯು ಹಲವಾರು ರೋಗಗಳಿಗೆ ರಾಮಬಾಣ. ನಮ್ಮ ಆಹಾರದಲ್ಲಿ ಶುಂಠಿ ಬಳಸುವುದರಿಂದ ಕೆಮ್ಮು, ನೆಗಡಿಯಿಂದ ಹಿಡಿದು ಬಹಳಷ್ಟು ಆರೋಗ್ಯ ಸಮಸ್ಯೆಗಳನ್ನು ಕಡಿಮೆ ಮಾಡಬಹುದು. ಇದರೊಂದಿಗೆ ಹಸಿಶುಂಠಿಯ ಆರೋಗ್ಯ ಪ್ರಯೋಜನಗಳು ಹಲವಾರಿದೆ.

ಸಾಂಬಾರು ಪದಾರ್ಥವಾಗಿ ಕಾರ್ಯನಿರ್ವಹಿಸುವ ಶುಂಠಿಯನ್ನು ಅಡುಗೆ ಪಾಕಗಳೊಂದಿಗೆ ಬಳಸುತ್ತೇವೆ.  ಇದು ಸಾಂಬಾರು, ಪದಾರ್ಥಗಳ ರುಚಿಯನ್ನು ಹೆಚ್ಚಿಸುತ್ತದೆ. ಅಷ್ಟಲ್ಲದೆ, ಇದು ನಮ್ಮ ಆರೋಗ್ಯಕ್ಕೂ ಬಹಳ ಪರಿಣಾಮಕಾರಿ ಎಂಬುದು ನಿಮಗೆ ಗೊತ್ತಾ? ಅಡುಗೆಯಲ್ಲಿ ಅಷ್ಟೇ ಅಲ್ಲದೆ, ಹಸಿ ಶುಂಠಿಯನ್ನು ಹಾಗೆಯೇ ಹಸಿಯಾಗಿ ಸ್ವಲ್ಪ ತಿನ್ನುವುದರಿಂದ ಹಲವು ಆರೋಗ್ಯ ಲಾಭಗಳಿವೆ ಎಂದು ಹೇಳ್ತಾರೆ ತಜ್ಞರು 

ಹಸಿ ಶುಂಠಿಯಲ್ಲಿ ಜಿಂಜರಾಲ್ ಅನ್ನೋ ಅಂಶ ಬಹಳವಾಗಿ ಇರುತ್ತದೆ. ಇದರಲ್ಲಿ ಕೆಲವು ಪವರ್‌ಫುಲ್ ಆಂಟಿಆಕ್ಸಿಡೆಂಟ್, ಆಂಟಿ ಇನ್ಫ್ಲಮೇಟರಿ ಗುಣಗಳಿವೆ. ಇದು ನಮ್ಮ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದರಿಂದ ಹಿಡಿದು ಜೀರ್ಣಕ್ರಿಯೆ ಸುಧಾರಿಸುವವರೆಗೂ ಹಲವು ಸಮಸ್ಯೆಗಳನ್ನು ಕಡಿಮೆ ಮಾಡೋದ್ರಲ್ಲಿ ತುಂಬಾ ಪರಿಣಾಮಕಾರಿ.

ಈಗಿನ ಕಾಲದಲ್ಲಿ ಬಹಳ ಜನ ಸಣ್ಣಪುಟ್ಟ ಆರೋಗ್ಯ ಸಮಸ್ಯೆಗಳಿಗೆ ಔಷಧಿಗಳ ಬದಲು ಅಡುಗೆ ಮನೇಲಿ ಇರುವ ಪದಾರ್ಥಗಳನ್ನೇ ಉಪಯೋಗಿಸ್ತಾರೆ. ಇಂಥವರಿಗೆ ಶುಂಠಿ ಬಹಳ ಸಹಾಯ ಮಾಡುತ್ತದೆ. ಹಸಿ ಶುಂಠಿಯಿಂದ ನಮಗೆ ಯಾವಯಾವ ಆರೋಗ್ಯ ಪ್ರಯೋಜನಗಳಿವೆ ಎಂದು ಈಗ ನೋಡೋಣ ಬನ್ನಿ. 

ಹಸಿ ಶುಂಠಿ ನಮ್ಮ ಜೀರ್ಣಕ್ರಿಯೆಗೆ ಬಹಳ ಸಹಕಾರಿ. ಶುಂಠಿ ಜೀರ್ಣಕಾರಿ ಕಿಣ್ವಗಳು ಉತ್ಪಾದನೆಯನ್ನು ಹೆಚ್ಚಿಸುತ್ತದೆ. ಇದು ನಾವು ತಿಂದಿದ್ದನ್ನು ಬೇಗ ಜೀರ್ಣವಾಗಿಸಲು ಸಹಾಯ ಮಾಡುತ್ತದೆ. ಅಷ್ಟಲ್ಲದೆ, ಹಸಿ ಶುಂಠಿ ಜೀರ್ಣಾಂಗ ವ್ಯವಸ್ಥೆಯಲ್ಲಿ ಸ್ನಾಯುಗಳ ಕೆಲಸ ಹೆಚ್ಚಿಸಿ, ಗ್ಯಾಸ್, ಎಸಿಡಿಟಿ, ಅಜೀರ್ಣ ಸಮಸ್ಯೆಗಳು ಬರದಂತೆ ತಡೆಯುತ್ತೆ. ಹೊಟ್ಟೆ ತುಂಬಾ ಊಟ ಆದ್ಮೇಲೆ ಸ್ವಲ್ಪ ಹಸಿ ಶುಂಠಿ ತಿಂದಲ್ಲಿ ತುಂಬಾ ಒಳ್ಳೆದು. 

ಶುಂಠಿಲಿ ಜಿಂಜರಾಲ್‌ನಂಥ ಜೈವಿಕ ಸಕ್ರಿಯ ಪದಾರ್ಥಗಳು ತುಂಬಾ ಇವೆ. ಇವು ಶಕ್ತಿಯುತವಾದ ಉರಿಯೂತ ನಿವಾರಕ ಗುಣಗಳನ್ನ ಹೊಂದಿವೆ. ಇವು ನಮ್ಮ ಶರೀರದ ಉರಿ ಕಡಿಮೆ ಮಾಡೋಕೆ ಸಹಾಯ ಮಾಡುತ್ತವೆ. ಅಷ್ಟೇ ಅಲ್ಲ, ಕಾಲು ನೋವು, ಮೊಣಕಾಲು ನೋವು ಇರೋರಿಗೂ ಹಸಿ ಶುಂಠಿ ತುಂಬಾ ಒಳ್ಳೆಯದು. ಹಸಿ ಶುಂಠಿನ ಆಗಾಗ್ಗೆ ತಿಂದ್ರೆ ಕೀಲು ನೋವುಗಳು ತುಂಬಾ ಕಡಿಮೆ ಆಗುತ್ತವೆ.

ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತೆ

ಹಸಿ ಶುಂಠಿಲಿ ಆಂಟಿ ಆಕ್ಸಿಡೆಂಟ್ ಗುಣಗಳು ತುಂಬಾ ಇವೆ. ಇವು ನಿಮ್ಮ ರೋಗ ನಿರೋಧಕ ಶಕ್ತಿ ಹೆಚ್ಚಿಸೋಕೆ ತುಂಬಾ ಸಹಾಯ ಮಾಡುತ್ತವೆ. ಜೊತೆಗೆ, ಇದು ನಮ್ಮ ಶರೀರದ ರಕ್ಷಣಾ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಇದು ಶರೀರಕ್ಕೆ ಹಾನಿ ಮಾಡುವ ಫ್ರೀ ರಾಡಿಕಲ್ಸ್‌ ಜೊತೆ ಹೋರಾಡುತ್ತದೆ. ಆಕ್ಸಿಡೇಟಿವ್ ಒತ್ತಡ ಕಡಿಮೆ ಮಾಡೋಕೆ ಸಹಾಯ ಮಾಡುತ್ತೆ. ನೆಗಡಿ, ಜ್ವರದಂಥ ಸೀಸನಲ್ ಸಮಸ್ಯೆಗಳನ್ನು ಕಡಿಮೆ ಮಾಡೋದ್ರಲ್ಲಿ ತುಂಬಾ ಪರಿಣಾಮಕಾರಿ ಅಂತಾರೆ ಆರೋಗ್ಯ ತಜ್ಞರು. 

ಗರ್ಭಾವಸ್ಥೆಯ ನಂತರ ಅಥವಾ ಶಸ್ತ್ರಚಿಕಿತ್ಸೆ ಆದ್ಮೇಲೆ ಹಸಿ ಶುಂಠಿ ಸೇವನೆ ತುಂಬಾ ಒಳ್ಳೆಯದು. ಯಾಕಂದ್ರೆ ಇದು ವಾಕರಿಕೆ, ವಾಂತಿ ಕಡಿಮೆ ಮಾಡೋಕೆ ಸಹಾಯ ಮಾಡುತ್ತೆ. ತಜ್ಞರ ಪ್ರಕಾರ, ಇದು ಮುಂಜಾನೆಯ ಸಿಕ್‌ನೆಸ್ ಕಡಿಮೆ ಮಾಡೋದ್ರಲ್ಲೂ ಸಹಾಯ ಮಾಡುತ್ತೆ. 

ಹೃದಯದ ಆರೋಗ್ಯ ಸುಧಾರಿಸುತ್ತೆ

ಹಸಿ ಶುಂಠಿ ಹೃದಯದ ಆರೋಗ್ಯಕ್ಕೂ ಒಳ್ಳೆಯದು ಅಂತಾರೆ ಆರೋಗ್ಯ ತಜ್ಞರು. ಯಾಕಂದ್ರೆ ಇದು ರಕ್ತದೊತ್ತಡ, ಕೊಲೆಸ್ಟ್ರಾಲ್ ಕಡಿಮೆ ಮಾಡುತ್ತೆ. ಅಲ್ಲದೆ, ಹಸಿ ಶುಂಠಿ ಶರೀರದಲ್ಲಿ ರಕ್ತ ಸಂಚಾರ ಹೆಚ್ಚಿಸಿ, ರಕ್ತ ಹೆಪ್ಪುಗಟ್ಟುವ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ. ಇದ್ರಿಂದ ಹೃದ್ರೋಗ ಬರೋ ರಿಸ್ಕ್ ಕಡಿಮೆ ಆಗುತ್ತೆ. ಶುಂಠಿಲಿರೋ ಉರಿಯೂತ ನಿವಾರಕ ಗುಣಗಳು ರಕ್ತನಾಳಗಳನ್ನು ರಕ್ಷಿಸುತ್ತವೆ. 

ಹೊಸ ಸಂಶೋಧನೆಗಳ ಪ್ರಕಾರ, ಹಸಿ ಶುಂಠಿ ರಕ್ತದಲ್ಲಿ ಸಕ್ಕರೆ ಮಟ್ಟ ನಿಯಂತ್ರಿಸೋಕೆ ತುಂಬಾ ಸಹಾಯ ಮಾಡುತ್ತೆ. ಟೈಪ್ 2 ಮಧುಮೇಹ ಇರೋರಿಗೆ ಹಸಿ ಶುಂಠಿ ತುಂಬಾ ಒಳ್ಳೆಯದು. ಶುಂಠಿಲಿ ರಕ್ತದಲ್ಲಿ ಸಕ್ಕರೆ ಮಟ್ಟ ಕಡಿಮೆ ಮಾಡುವ ಇದೆ, ಇನ್ಸುಲಿನ್ ಸೂಕ್ಷ್ಮತೆ ಹೆಚ್ಚಿಸೋ ಗುಣಗಳಿವೆ ಅಂತಾರೆ ಆರೋಗ್ಯ ತಜ್ಞರು.