NHPC ಲಿಮಿಟೆಡ್‌ನಲ್ಲಿ ಖಾಲಿಯಿರುವ ಹುದ್ದೆಗಳಿಗೆ ಅರ್ಜಿ ಆಹ್ವಾನ 1,80,000ರೂ.ವರೆಗೆ ಸಂಬಳ
NHPC ಲಿಮಿಟೆಡ್‌ನಲ್ಲಿ ಖಾಲಿಯಿರುವ ಹುದ್ದೆಗಳಿಗೆ ಅರ್ಜಿ ಆಹ್ವಾನ ಮಾಡಲಾಗಿದೆ. ತರಬೇತಿ ಅಧಿಕಾರಿ (HR, PR, ಕಾನೂನು) ಹಾಗೂ ಹಿರಿಯ ವೈದ್ಯಕೀಯ ಅಧಿಕಾರಿಗಳನ್ನು ಒಳಗೊಂಡಂತೆ 118 ಹುದ್ದೆಗಳನ್ನು ಭರ್ತಿ ಮಾಡಲಾಗುವುದು. ಅರ್ಹ ಅಭ್ಯರ್ಥಿಗಳು NHPC ಅಧಿಕೃತ ವೆಬ್‌ಸೈಟ್ ಮೂಲಕ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಕೆ ಮಾಡಬಹುದು.
ತರಬೇತಿ ಅಧಿಕಾರಿ (HR) ಪೋಸ್ಟ್‌ಗೆ 71 ಅಭ್ಯರ್ಥಿಗಳ ಅವಶ್ಯಕತೆಯಿದ್ದು, ವೇತನ ₹ 50,000 - ₹ 1,60,000
ತರಬೇತಿ ಅಧಿಕಾರಿ (PR) ಪೋಸ್ಟ್‌ಗೆ 10 ಅಭ್ಯರ್ಥಿಗಳ ಅವಶ್ಯಕತೆಯಿದ್ದು, ವೇತನ ₹ 50,000- ₹1,60,000
ತರಬೇತಿ ಅಧಿಕಾರಿ (ಕಾನೂನು) ಪೋಸ್ಟ್‌ಗೆ 12 ಅಭ್ಯರ್ಥಿಗಳ ಅವಶ್ಯಕತೆಯಿದ್ದು, ವೇತನ ₹50,000- ₹ 1,60,000
ಹಿರಿಯ ವೈದ್ಯಕೀಯ ಅಧಿಕಾರಿ ಪೋಸ್ಟ್‌ಗೆ 25 ಅಭ್ಯರ್ಥಿಗಳ ಅವಶ್ಯಕತೆಯಿದ್ದು, ವೇತನ ₹60,000 - ₹1,80,000
ತರಬೇತಿ ಅಧಿಕಾರಿ (HR) ಹುದ್ದೆಗೆ ಅರ್ಜಿ ಸಲ್ಲಿಕೆಗೆ HR/Personnel Management/Industrial Relation ವಿಷಯದಲ್ಲಿ ಶೇ.60ರಷ್ಟು ಅಂಕಗಳೊಂದಿಗೆ ಸ್ನಾತಕೋತ್ತರ ಪದವಿ ಪಡೆದಿರಬೇಕು.
ತರಬೇತಿ ಅಧಿಕಾರಿ (PR) ಹುದ್ದೆಗೆ ಅರ್ಜಿ ಸಲ್ಲಿಕೆಗೆ, ಶೇ.60 ರಷ್ಟು ಅಂಕಗಳೊಂದಿಗೆ Mass Communication/Journalism ವಿಷಯದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿರಬೇಕು.
ತರಬೇತಿ ಅಧಿಕಾರಿ (ಕಾನೂನು) ಹುದ್ದೆಗೆ ಅರ್ಜಿ ಸಲ್ಲಿಸಲು, ಶೇ.60 ರಷ್ಟು ಅಂಕಗಳೊಂದಿಗೆ ಕಾನೂನು ಪದವಿ (LLB) ಪಡೆದಿರಬೇಕು.
ಹಿರಿಯ ವೈದ್ಯಕೀಯ ಅಧಿಕಾರಿ ಹುದ್ದೆಗೆ MBBS ಪದವಿ ಮತ್ತು 2 ವರ್ಷಗಳ ಇಂಟರ್ನ್‌ಶಿಪ್ ಅನುಭವ ಹೊಂದಿರಬೇಕು.
UR, EWS ಮತ್ತು OBC (NCL) ವರ್ಗದ ಅಭ್ಯರ್ಥಿಗಳು ₹600 (₹708 ಸೇರಿದಂತೆ) ಅರ್ಜಿ ಶುಲ್ಕವನ್ನು ಪಾವತಿಸಬೇಕು. SC, ST, PWBD, ಮಹಿಳಾ ಮತ್ತು ಮಾಜಿ ಸೈನಿಕ ಅಭ್ಯರ್ಥಿಗಳಿಗೆ ಶುಲ್ಕ ವಿನಾಯಿತಿ ಇದೆ.
ಆಯ್ಕೆ ಪ್ರಕ್ರಿಯೆಯು ಅರ್ಹತಾ ಪರೀಕ್ಷೆಗಳಲ್ಲಿ (UGC NET Dec-2023/Jun-2024, CLAT PG-2024 ಅಥವಾ MBBS ಒಟ್ಟು) ಪಡೆದ ಅಂಕಗಳನ್ನು ಒಳಗೊಂಡಿರುತ್ತದೆ, ನಂತರ ಗುಂಪು ಚರ್ಚೆ (GD) ಮತ್ತು ವೈಯಕ್ತಿಕ ಸಂದರ್ಶನ (PI) ನಡೆಸಲಾಗುವುದು. ಅಂತಿಮ ಆಯ್ಕೆಯು ಅರ್ಹತಾ ಪರೀಕ್ಷೆಗಳು, GD ಮತ್ತು PI ಗಳ ಒಟ್ಟು ಅಂಕಗಳನ್ನು ಆಧರಿಸಿರುತ್ತದೆ.
ಅರ್ಹ ಅಭ್ಯರ್ಥಿಗಳು NHPC ಅಧಿಕೃತ ವೆಬ್‌ಸೈಟ್ ಮೂಲಕ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬೇಕು. ಅವರು ತಮ್ಮ UGC NET, CLAT ಅಥವಾ MBBS ಪ್ರಮಾಣಪತ್ರಗಳನ್ನು ಬಳಸಿಕೊಂಡು ನೋಂದಾಯಿಸಿಕೊಳ್ಳಬೇಕು, ಸ್ಕ್ಯಾನ್ ಮಾಡಿದ ದಾಖಲೆಗಳನ್ನು ಅಪ್‌ಲೋಡ್ ಮಾಡಬೇಕು ಮತ್ತು ಎಲ್ಲಾ ವಿವರಗಳು ಸರಿಯಾಗಿವೆಯೇ ಎಂದು ಖಚಿತಪಡಿಸಿಕೊಳ್ಳಬೇಕು.
ಕೊನೆಯ ದಿನಾಂಕ: ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಡಿಸೆಂಬರ್ 30, 2024. ಡಿಸೆಂಬರ್ 30 ರಂದು ಸಂಜೆ 5ಗಂಟೆಗೆ ಆನ್‌ಲೈನ್ ಪೋರ್ಟಲ್ ಮುಚ್ಚಲಾಗುವುದು.