ಬೀಜಿಂಗ್‌: ಜಗತ್ತು ಕಂಡ ವುವಾನ್ ದುರಂತ ಬಳಿಕ ಮತ್ತೊಂದು ವೈಸರ್ ಚೀನಾದಲ್ಲಿ ಸೃಷ್ಟಿಯಾಗಿದೆ. ಈ ವೈರಸ್ ಈಗಾಗಲೇ ತನ್ನ ಪ್ರತಾಪವನ್ನು ತೋರಿದ್ದು, ಏಳು ಮಂದಿಯನ್ನು ಆಹುತಿ ಪಡೆದುಕೊಂಡಿದೆ.
ಈ ಕುರಿತ ವರದಿಯೊಂದನ್ನು ಚೀನಾದ ಸರ್ಕಾರದ ಮುಖವಾಣಿ ಗ್ಲೋಬಲ್‌ ಟೈಮ್ಸ್‌ ಮಾಡಿದ್ದು, ಜಿಯಾಂಗ್ಸು ಮತ್ತು ಅನ್ಹುಯಿ ಪ್ರಾಂತ್ಯಗಳಲ್ಲಿ ವೈರಸ್ ವ್ಯಾಪಿಸುತ್ತಿದೆ ಎನ್ನಲಾಗಿದೆ. ಈಗಾಗಲೇ ಈ ವೈರಸ್‌ನಿಂದ 60 ಮಂದಿ ಸೋಂಕಿತರಾಗಿದ್ದಾರೆ ಎಂದು ಪತ್ರಿಕೆ ತಿಳಿಸಿದೆ.
ಈ ವೈರಸನ್ನ ಎಸ್‌ಎಫ್‌ಟಿಎಸ್‌ವಿ(ಸೀವಿಯರ್ ಫೀವರ್‌ ವಿಥ್‌ ಥ್ರೋಂಬೊ ಬೊಕ್ಯಾಟೋಪಿನಿಯಾ ಸಿಂಡ್ರೋಮ್‌ ಬುನಿವೈರಸ್‌) ಎಂದು ಕರೆಯಲಾಗಿದ್ದು, ಕೀಟಗಳ ಕಡಿತದ ಮೂಲಕ ಈ ವೈರಸ್ ಮನುಷ್ಯರಿಗೆ ಹರಡಿರುವ ಸಾಧ್ಯತೆ ಎಂದು ಹೇಳಿದೆ. ಈ ವೈರಸ್ ಅಪಾಯಕಾರಿ ಮಟ್ಟದಲ್ಲಿ ಹರಡುವ ಸಾಧ್ಯತೆಯನ್ನು ಅಲ್ಲಗಳೆಯುವಂತಿಲ್ಲ ಎಂದು ವೈದ್ಯರು ಈಗಾಗಲೇ ಎಚ್ಚರಿಸಿದ್ದಾರೆ.
ಮೊದಲ ವರ್ಷದ 6 ತಿಂಗಳ ಒಳಗಡೆ 37 ಮಂದಿಯಲ್ಲಿ ಸೋಂಕು ಕಾಣಿಸಿಕೊಂಡರೆ ನಂತರ 23 ಮಂದಿಯಲ್ಲಿ ಕಾಣಿಸಿಕೊಂಡಿದೆ. ಆರಂಭದಲ್ಲಿ ತಿಗಣೆ ರೀತಿಯ ಕೀಟಗಳಿಂದ ಮನುಷ್ಯರಿಗೆ ಹಬ್ಬುವ ಈ ವೈರಸ್ ಬಳಿಕ ಒಬ್ಬರಿಂದ ಒಬ್ಬರಿಗೆ ಪಸರಿಸುತ್ತದೆ. ಕೋವಿಡ್ 19ನಂತೆ ಈ ವೈರಸ್ ಪೀಡಿತ ವ್ಯಕ್ತಿಗೆ ಜ್ವರ ಹಾಗೂ ಕೆಮ್ಮು ಬರುತ್ತದೆ. ರಕ್ತದಲ್ಲಿ ಲ್ಯುಕ್ಟೋಸೈಟ್‌ ಹಾಗೂ ಪ್ಲೇಟ್‌ಲೆಟ್‌ಗಳ ಪ್ರಮಾಣ ಕಡಿಮೆ ಆಗುತ್ತದೆ ಎಂದು ವೈದ್ಯಕೀಯ ಮೂಲಗಳು ತಿಳಿಸಿವೆ ಎಂದು ಪತ್ರಿಕೆ ವರದಿ ಮಾಡಿದೆ.
Connect us on Facebook: https://www.facebook.com/Emungaru-123687244977933
ಲೇಖನ: ದಿನೇಶ್ ಕುಮಾರ್ ಎಚ್.ಸಿ., ಹಿರಿಯ ಪತ್ರಕರ್ತರು
ಲೆಬನಾನ್ ಗಾಯಗೊಂಡಿದೆ. ಬೈರೂತ್ ಬಂದರಿನಲ್ಲಿ ನಡೆದ ಸ್ಫೋಟ ಈ ಪುಟ್ಟ ರಾಷ್ಟ್ರವನ್ನು ಅಲುಗಾಡಿಸಿಬಿಟ್ಟಿದೆ. ಸತ್ತವರು ನೂರಕ್ಕೂ ಹೆಚ್ಚು, ಗಾಯಗೊಂಡವರು ನಾಲ್ಕು ಸಾವಿರಕ್ಕೂ ಹೆಚ್ಚು. ಕರೋನಾದಿಂದ ಭರ್ತಿಯಾಗಿದ್ದ ಆಸ್ಪತ್ರೆಗಳಲ್ಲಿ ಈ ಗಾಯಾಳುಗಳಿಗೆ ಚಿಕಿತ್ಸೆ ಕೊಡಿಸುವುದೇ ಕಷ್ಟಕರವಾಗಿದೆ. ಗಾಯಾಳುಗಳಿಗೆ ಅಗತ್ಯವಾಗಿ ರಕ್ತ ಬೇಕು, ಬ್ಲಡ್ ಬ್ಯಾಂಕುಗಳು ಖಾಲಿಖಾಲಿ. ಮೊದಲೇ ಆರ್ಥಿಕ ಕುಸಿತದಿಂದ ಜರ್ಝರಿತವಾಗಿದ್ದ ಲೆಬನಾನ್ ಮೇಲೆ ಕರೋನಾ ಎರಗಿತ್ತು. ಈಗ ಗಾಯದ ಮೇಲೆ ಬರೆ!
ಇದೆಂಥ ಸ್ಫೋಟ? ಭಯೋತ್ಪಾದಕ ದಾಳಿಯೇ? ನೆರೆಯ ಶತ್ರುದೇಶಗಳ ಮರಾಮೋಸದ ದಾಳಿಯೇ? ಲೆಬನಾನ್ ಒಳಗಿನ ಆಡಳಿತ ವಿರೋಧಿ ಶಕ್ತಿಗಳು ನಡೆಸಿರಬಹುದಾದ ಕೃತ್ಯವೇ? ಅಥವಾ ಸರ್ಕಾರ ಹೇಳುತ್ತಿರುವಂತೆ ಇದೊಂದು ಆಕಸ್ಮಿಕ ಅವಘಡವೇ? ಸದ್ಯಕ್ಕಂತೂ ಈ ಪ್ರಶ್ನೆಗಳಿಗೆ ಉತ್ತರ ಸಿಗುವ ಹಾಗೆ ಕಾಣುತ್ತಿಲ್ಲ. ಇಡೀ ಬೈರೂತ್ ನಗರ ರಕ್ತಸಿಕ್ತವಾಗಿದೆ.
ಲೆಬನಾನ್ ಸುಮಾರು ಎಪ್ಪತ್ತು ಲಕ್ಷದಷ್ಟು ಜನಸಂಖ್ಯೆಯಿರುವ ಪುಟ್ಟ ದೇಶ. ಪಶ್ಚಿಮಕ್ಕೆ ಮೆಡಿಟರೇನಿಯನ್ ಸಮುದ್ರದಂಡೆಯ ಒಂದು ಭಾಗದಲ್ಲಿ ಸೈಪ್ರಸ್ ಇದೆ. ಉತ್ತರ ಮತ್ತು ಪೂರ್ವದಲ್ಲಿ ಸಿರಿಯಾ. ದಕ್ಷಿಣದಲ್ಲಿ ಲೆಬನಾನ್ ಮೇಲೆ ಸದಾ ಹಲ್ಲು ಮಸೆಯುವ ಇಸ್ರೇಲ್.
ನನ್ನ ತಲೆಮಾರಿನವರೆಲ್ಲ ಚಿಕ್ಕವರಾಗಿದ್ದ ಲೆಬನಾನ್ ಹೆಸರು ಪದೇ ಪದೇ ಕೇಳಿದ್ದೆವು, ಪತ್ರಿಕೆಗಳಲ್ಲಿ, ರೇಡಿಯೋಗಳಲ್ಲಿ. ಅದು ಸದಾ ಉರಿಯುವ ಅಗ್ನಿಕುಂಡ. ಏಳು ಸಾವಿರ ವರ್ಷಗಳ ಇತಿಹಾಸ ಈ ಪುಟ್ಟ ದೇಶಕ್ಕಿದೆ ಎಂದು ಹೇಳಲಾಗುತ್ತದೆ. ಹಲವು ಸಂಸ್ಕೃತಿ, ಧರ್ಮ, ಮತ, ಪಂಥಗಳ ಸಂಗಮವಿದು. ಶಿಯಾ ಮತ್ತು ಸುನ್ನಿ ಮುಸ್ಲಿಮರು ಸಮಸಮ ಸಂಖ್ಯೆಯಲ್ಲಿದ್ದಾರೆ. ಒಟ್ಟು ಮುಸ್ಲಿಮರು ಶೇ 54. ಕ್ರಿಶ್ಚಿಯನ್ನರ ಸಂಖ್ಯೆ ಶೇ. 40. ಶಿಯಾ ಪಂಗಡದಿಂದಲೇ ಹುಟ್ಟಿಕೊಂಡ ಡ್ರೂಜ್ (druze) ಎಂಬ ಸಮುದಾಯ ಶೇ.5ರಷ್ಟಿದೆ.
ಆಟೋಮನ್ ತುರುಷ್ಕರು ನಾಲ್ಕುನೂರು ವರ್ಷಗಳ ಕಾಲ ತಮ್ಮ ಹಿಡಿತದಲ್ಲಿ ಇಟ್ಟುಕೊಂಡಿದ್ದರು. ಮೊದಲ ವಿಶ್ವಯುದ್ಧದ ಸಂದರ್ಭದಲ್ಲಿ ಲೆಬನಾನ್ ಫ್ರೆಂಚರ ವಶವಾಯಿತು. ಫ್ರೆಂಚ್ ವಸಾಹತುಶಾಹಿ ವಿರುದ್ಧ ಒಂದು ದೊಡ್ಡ ಹೋರಾಟ ರೂಪುಗೊಂಡು 1943ರಲ್ಲಿ ಲೆಬನಾನ್ ಸ್ವತಂತ್ರಗೊಂಡಿತು. ಇಲ್ಲಿನ ಪ್ರಮುಖ ಧರ್ಮಗಳಿಗೆ ಪಾಲುದಾರಿಕೆ ನೀಡುವ Confessionalist ಸರ್ಕಾರ ಜಾರಿಗೆ ಬಂದಿತು. ಆಧುನಿಕ ಕಾಲಘಟ್ಟಕ್ಕೆ ತಕ್ಕಂತೆ ಲೆಬನಾನ್ ತನ್ನನ್ನು ತಾನು ಮಾರ್ಪಾಡು ಮಾಡಿಕೊಂಡು ಬೆಳೆಯುತ್ತಿತ್ತು. ಆದರೆ 1975ರಿಂದ 1990ರವರೆಗೆ ಅಲ್ಲಿ ಹುಟ್ಟಿಕೊಂಡ ಸಿವಿಲ್ ವಾರ್ ಈ ಪುಟ್ಟದೇಶವನ್ನು ಕಾಡಿತು. ಆಂತರಿಕ ದಂಗೆಗಳ ಆಸರೆ ಪಡೆದು ನೆರೆಯ ಸಿರಿಯಾ ಮಧ್ಯಪ್ರವೇಶ ಮಾಡಿ ತನ್ನ ಮಿಲಿಟರಿ ನೆಲೆಗಳನ್ನು ಸ್ಥಾಪಿಸಿತು. ಅದರ ಜತೆಗೆ ಇಸ್ರೇಲ್ ಕೂಡ ಲೆಬನಾನ್ ಒಳಗೆ ಕಾಲಿಟ್ಟಿತು. 1975ರಿಂದ 2005ರವರೆಗೆ ಸಿರಿಯಾ ಮಿಲಿಟರಿ ಲೆಬನಾನ್ ಒಳಗೆ ಇತ್ತು. 1985ರಿಂದ 2000ದವರೆಗೆ ಇಸ್ರೇಲ್ ಪಡೆಗಳು ಲೆಬನಾನ್ ಒಳಗೆ ಹಲವು ಪ್ರಾಂತ್ಯಗಳ ಮೇಲೆ, ವಿಶೇಷವಾಗಿ ದಕ್ಷಿಣ ಲೆಬನಾನ್ ಮೇಲೆ ಹಿಡಿತ ಹೊಂದಿದ್ದವು.
ಲೆಬನಾನ್ ಮೇಲೆ ಇಸ್ರೇಲ್ ನ ದ್ವೇಷ ತುಂಬಾ ಹಳೆಯದು. 1948ರಲ್ಲಿ ಅರಬ್ ದೇಶಗಳು ಇಸ್ರೇಲ್ ಮೇಲೆ ಏರಿಹೋದಾಗ ಲೆಬನಾನ್ ಆ ದೇಶಗಳನ್ನು ಬೆಂಬಲಿಸಿತ್ತು. ಈ ಸಂದರ್ಭದಲ್ಲಿ ಸುಮಾರು ಒಂದು ಲಕ್ಷದಷ್ಟು ಪ್ಯಾಲೇಸ್ಟಿನಿಯನ್ ನಾಗರಿಕರು ನಿರಾಶ್ರಿತರಾಗಿ ಲೆಬನಾನ್ ಒಳಗೆ ಪ್ರವೇಶಿಸಿದರು. ಈಗ ಅವರ ಸಂಖ್ಯೆ ಎರಡು ಮೂರು ಪಟ್ಟಾಗಿದೆ. ಇವರನ್ನು ಮತ್ತೆ ಒಳಗೆ ಬಿಟ್ಟುಕೊಳ್ಳಲು ಇಸ್ರೇಲ್ ತಯಾರಿಲ್ಲ. ಪ್ಯಾಲೇಸ್ಟಿನಿಯನ್ ಗಳಿಗೆ ಲೆಬನಾನ್ ಪೌರತ್ವವೂ ಸಿಗುವುದಿಲ್ಲ, ಆಸ್ತಿ ಕೊಳ್ಳುವ ಹಕ್ಕೂ ಇಲ್ಲ. ಒಂದು ತಲೆಮಾರಿನ ಜನರು ಈಗಾಗಲೇ ಎರಡನೇ ದರ್ಜೆ ನಾಗರಿಕರಾಗಿ ಬದುಕು ಕಳೆದುಬಿಟ್ಟಿದ್ದಾರೆ. 1968ರಿಂದ ದಕ್ಷಿಣ ಲೆಬನಾನ್ ನಲ್ಲಿ ನೆಲೆಗೊಂಡಿದ್ದ ಪ್ಯಾಲೇಸ್ಟಿನಿಯನ್ ಗಳು ಇಸ್ರೇಲ್ ವಿರುದ್ಧ ಹೋರಾಡಲು ತಮ್ಮದೇ ಪಡೆಗಳನ್ನು ಕಟ್ಟಿಕೊಂಡರು. ಇಸ್ರೇಲ್ ನಲ್ಲಿ ತಾವು ಕಳೆದುಕೊಂಡ ತಮ್ಮ ನೆಲವನ್ನು ವಾಪಾಸು ಪಡೆದುಕೊಳ್ಳುವುದು ಇವರ ಉದ್ದೇಶವಾಗಿತ್ತು. ಆದರೆ ಈ ಉಗ್ರ ಸಂಘಟನೆ ಕಾಲಕ್ರಮೇಣ ಲೆಬನಾನ್ ಕ್ರಿಶ್ಚಿಯನ್ ಗುಂಪುಗಳ ಮೇಲೆ ಸಮರ ಸಾರಿತು. ಇದು ಲೆಬನಾನ್ ನಲ್ಲಿ ಹುಟ್ಟಿಕೊಂಡ ಸಿವಿಲ್ ವಾರ್ ಗೆ ಮೂಲ‌ಕಾರಣವಾಯಿತು. ಸಿವಿಲ್ ವಾರ್ ತೀವ್ರವಾಗುತ್ತಿದ್ದಂತೆ ಲೆಬನಾನ್ ಅಧ್ಯಕ್ಷ ಇಲಿಯಾಸ್ ಸಾರ್ಕಿಸ್ ಸಿರಿಯಾದ ಆಸರೆ ಕೋರಿದರು. ಸಿರಿಯನ್ ಮಿಲಿಟರಿ ಸಹಾಯಕ್ಕಾಗಿ ಧಾವಿಸಿತು. ಸಿರಿಯನ್ ಪಡೆಗಳು ಆಂತರಿಕ ದಂಗೆಯನ್ನು ನಿಯಂತ್ರಿಸುವ ಕಾರ್ಯದಲ್ಲಿ ತೊಡಗಿದವು. ಈ ನಡುವೆ 1977ರಲ್ಲಿ ಪ್ಯಾಲೆಸ್ಟೈನ್ ಹೋರಾಟಗಾರರು ಇಸ್ರೇಲ್ ಮೇಲೆ ದಾಳಿಗಳನ್ನು ನಡೆಸಿದರು. ಇಸ್ರೇಲ್ ನ ಟೆಲ್ ಅವಿವ್ ಮತ್ತು ಹಾಫಿಯಾ ನಡುವಿನ ರಸ್ತೆಯಲ್ಲಿ ಪ್ರಯಾಣಿಕರಿಂದ ತುಂಬಿದ ಎರಡು ಬಸ್ ಗಳನ್ನು ಹೈಜಾಕ್ ಮಾಡಿದ ಉಗ್ರಗಾಮಿಗಳು ಕಂಡಕಂಡವರ ಮೇಲೆ ಗುಂಡು ಹಾರಿಸಿ ಮೂವತ್ತೇಳು ಜನರನ್ನು ಕೊಂದು ನಂತರ ಇಸ್ರೇಲಿ ಪಡೆಗಳಿಂದ ಹತ್ಯೆಗೀಡಾದರು. ಇದಕ್ಕೆ ಪ್ರತೀಕಾರವಾಗಿ ಇಸ್ರೇಲ್ ‘ಆಪರೇಷನ್ ಲಿಟಾನಿ’ ನಡೆಸಿ ಲಿಟಾನಿ ನದಿದಂಡೆಯ ಲೆಬನಾನ್ ಪ್ರದೇಶವನ್ನು ತನ್ನ ವಶಕ್ಕೆ ತಂದುಕೊಂಡಿತು.
1981ರ ಜುಲೈ 17ರಂದು ಇಸ್ರೇಲಿ ವಾಯುಪಡೆ ಲೆಬನಾನ್ ರಾಜಧಾನಿ ಬೈರೂತ್ ಮೇಲೇ ದಾಳಿ ನಡೆಸಿತು. ಪ್ಯಾಲೆಸ್ಟೈನ್ ಉಗ್ರಗಾಮಿಗಳು ಇದ್ದಾರೆ ಎಂಬ ಕಾರಣಕ್ಕಾಗಿ ನಡೆದ ಈ ದಾಳಿಯಲ್ಲಿ ಒಂದು ಬಹುಮಹಡಿ ಕಟ್ಟಡ ಕುಸಿದುಬಿದ್ದಿತು. ಸುಮಾರು ಮುನ್ನೂರು ಲೆಬನಾನ್ ನಾಗರಿಕರು ಈ ದಾಳಿಯಲ್ಲಿ ಮೃತಪಟ್ಟಿದ್ದರು. ಈ ದಾಳಿಯನ್ನು ಅಮೆರಿಕ ಸೇರಿದಂತೆ ಬಹುತೇಕ ರಾಷ್ಟ್ರಗಳು ಖಂಡಿಸಿದ್ದವು. ಆದರೆ ಒಂದೇ ವರ್ಷದಲ್ಲಿ ಮತ್ತೆ ಇಸ್ರೇಲ್ ಮೇಲೆ ಲೆಬನಾನ್ ನಲ್ಲಿ ಕಾರ್ಯಾಚರಣೆ ನಡೆಸುತ್ತಿದ್ದ ಪ್ಯಾಲಸ್ಟೈನಿ ಸಂಘಟನೆ PLO ದಾಳಿ ನಡೆಸಿತು. ಈ ಬಾರಿ ಅಮೆರಿಕ, ಇಂಗ್ಲೆಂಡ್, ಫ್ರಾನ್ಸ್, ಇಟಲಿ ಒಳಗೊಂಡ ಬಹುರಾಷ್ಟ್ರೀಯ ಪಡೆ ಇಸ್ರೇಲ್ ಬೆನ್ನಿಗೆ ನಿಂತುಕೊಂಡಿತು. PLO ವಿರುದ್ಧ ಬಹುರಾಷ್ಟ್ರೀಯ ಪಡೆಗಳು ಕಾರ್ಯಾಚರಣೆ ನಡೆಸಿದವು. 1982ರ ಸೆಪ್ಟೆಂಬರ್ ನಲ್ಲಿ ಲೆಬನಾನ್ ಅಂದಿನ ಅಧ್ಯಕ್ಷ ಬಷೀರ್ ಗೆಮಾಯಿಲ್ ಅವರನ್ನು ದಾರುಣವಾಗಿ ಭಯೋತ್ಪಾದಕ ಕೃತ್ಯವೊಂದರಲ್ಲಿ ಕೊಲ್ಲಲಾಯಿತು. ಆಂತರಿಕ ದಂಗೆಗಳು ಹೆಚ್ಚಾದವು. ಹಲವಾರು ಜನಾಂಗೀಯ ನರಮೇಧಗಳೂ ನಡೆದುಹೋದವು. 1984ರಲ್ಲಿ ಬಹುರಾಷ್ಟ್ರೀಯ ಪಡೆಗಳು ಲೆಬನಾನ್ ನಿಂದ ಹೊರಹೋದವು. ದಕ್ಷಿಣ ಲೆಬನಾನ್ ಪ್ರಾಂತ್ಯಗಳನ್ನು ತನ್ನ ವಶದಲ್ಲಿ ಇಟ್ಟುಕೊಂಡಿದ್ದ ಇಸ್ರೇಲ್ 2000ನೇ ಇಸವಿಯಲ್ಲಿ ಬಿಟ್ಟುಕೊಟ್ಟಿತು.
ಲೆಬನಾನ್ ನೆರವಿಗೆ ಬಂದಿದ್ದ ಸಿರಿಯನ್ ಪಡೆಗಳು ಹಿಂದಕ್ಕೆ ಹೋಗದೇ ಇರುವುದರ ವಿರುದ್ಧ ಲೆಬನಾನ್ ನಾಗರಿಕರು ವ್ಯಗ್ರರಾಗಿದ್ದರು. ಅದಕ್ಕೆ ಪುಷ್ಟಿ ನೀಡುವಂತೆ 2005ರ ಫೆಬ್ರವರಿಯಲ್ಲಿ ಮಾಜಿ ಪ್ರಧಾನಿ ರಫೀಕ್ ಹರೀರಿ ಕಾರ್ ಬಾಂಬ್ ಸ್ಫೋಟದಲ್ಲಿ ಮೃತಪಟ್ಟರು. ಲೆಬನಾನಿಗಳ ದೃಷ್ಟಿಯಲ್ಲಿ ಈ ಸ್ಫೋಟ ಸಿರಿಯನ್ ಮಿಲಿಟರಿ ನಡೆಸಿತ್ತು. ಇದು ಇಸ್ರೇಲ್ ಕೃತ್ಯ ಎಂದು ಸಿರಿಯಾ ಹೇಳಿಕೊಂಡಿತು. ರಫೀಕ್ ಅವರ ಹತ್ಯೆಯ ನಂತರ ಸರಣಿಯೋಪಾದಿಯಲ್ಲಿ ಲೆಬನಾನ್ ರಾಜಕೀಯ ನಾಯಕರುಗಳ ನಿಗೂಢ ಹತ್ಯೆಗಳಾದವು. ಲೆಬನಾನ್ ಜನರು ಸಿರಿಯಾ ಮಿಲಿಟರಿ ವಿರುದ್ಧ ದಂಗೆ ಎದ್ದರು. ಅಂತಾರಾಷ್ಟ್ರೀಯ ಸಮುದಾಯವೂ ಸಹ ಸಿರಿಯಾ ಮೇಲೆ ಒತ್ತಡ ಹೇರಿತು. ಪರಿಣಾಮವಾಗಿ ಸಿರಿಯನ್ ಸೈನ್ಯ 2005ರಲ್ಲಿ ಲೆಬನಾನ್ ಖಾಲಿ ಮಾಡಿ ವಾಪಾಸಾಯಿತು.
ಇದೆಲ್ಲ ಮುಗಿದರೂ ಲೆಬನಾನ್ ಸಂಕಷ್ಟಗಳು ತೀರಲೇ ಇಲ್ಲ. 70ರ ದಶಕದಲ್ಲಿ ಇರಾನ್ ನಲ್ಲಿ ಆಯತುಲ್ಲಾ ಖೊಮೇನಿ ಪ್ರವರ್ಧಮಾನಕ್ಕೆ ಬಂದಿದ್ದನಲ್ಲ, ಆತನ ಪ್ರಭಾವಳಿಗೆ ಹಲವಾರು ಅರಬ್ ದೇಶಗಳು ಒಳಗಾದವು. ಖೊಮೇನಿಯಿಸಂ ಹೆಸರಿನಲ್ಲಿ ಶಿಯಾ ಮುಸ್ಲಿಮರು ಒಂದಾಗತೊಡಗಿದ್ದರು. ಅದರ ಪರಿಣಾಮವಾಗಿಯೇ ಹೆಜ್ಬೊಲ್ಲಾ ಎಂಬ ರಾಜಕೀಯ ಪಕ್ಷ ಲೆಬನಾನ್ ನಲ್ಲಿ 1985ರಲ್ಲಿ ಸ್ಥಾಪನೆಯಾಗಿತ್ತು. ಅದು ತನ್ನದೇ ಆದ ಸ್ವತಂತ್ರ ಮಿಲಿಟರಿಯನ್ನು ಹೊಂದುವ ಮೂಲಕ ಉಗ್ರಗಾಮಿ ಸಂಘಟನೆಯ ಪಟ್ಟವನ್ನೂ ಹೊತ್ತುಕೊಂಡಿತು. ಯೂರೋಪಿಯನ್ ರಾಷ್ಟ್ರಗಳು ಹಾಗು ಇನ್ನೂ ಹದಿನೆಂಟು ದೇಶಗಳು ಹೆಜ್ಬೊಲ್ಲಾವನ್ನು ಭಯೋತ್ಪಾದಕ ಸಂಘಟನೆ ಎಂದು ಪರಿಗಣಿಸುತ್ತವೆ. ಇಸ್ಲಾಮಿಕ್ ನ್ಯಾಷನಲಿಸಂ ಪ್ರತಿಪಾದಿಸುವ ಹೆಜ್ಬೊಲ್ಲಾ ಸಹಜವಾಗಿ ಇಸ್ರೇಲ್ ಮತ್ತು ಯೂರೋಪಿಯನ್ ದೇಶಗಳನ್ನು ದ್ವೇಷಿಸುತ್ತದೆ. ಸೌದಿ ಅರೇಬಿಯಾ, ಬಹರೇನ್ ಸೇರಿದಂತೆ ಬಹುತೇಕ ಅರಬ್ ದೇಶಗಳು ಮತ್ತು ಅರಬ್ ಲೀಗ್, ಅರಬ್ ಕೋ ಆಪರೇಷನ್ ನಂಥ ಒಕ್ಕೂಟಗಳು ಹೆಜ್ಬೊಲ್ಲಾದ ವಿರುದ್ಧ ಇವೆ. ಮಿಕ್ಕಂತೆ ಇರಾನ್, ಸಿರಿಯಾ, ರಷ್ಯಾ, ಇರಾಕ್ ಮತ್ತಿತರ ದೇಶಗಳ ಬೆಂಬಲವೂ ಇದಕ್ಕಿದೆ.
1985ರಿಂದ 2000ದವರೆಗೆ ದಕ್ಷಿಣ ಲೆಬನಾನ್ ನಲ್ಲಿ ಇಸ್ರೇಲ್ ಜತೆ ಬಡಿದಾಡುತ್ತ ಬಂದ ಮುಂಚೂಣಿ ಸೈನ್ಯ ಹೆಜ್ಬುಲ್ಲಾ ಆಗಿತ್ತು. 2006ರಲ್ಲಿ ಹೆಜ್ಬೊಲ್ಲಾ ಪೂರ್ಣಪ್ರಮಾಣದ ಯುದ್ಧವನ್ನೇ ಇಸ್ರೇಲ್ ಜತೆ ನಡೆಸಿತು. ಹೆಜ್ಬೊಲ್ಲಾ ನಡೆಸಿದ ಗೆರಿಲ್ಲಾ ಮಾದರಿಯ ದಾಳಿಗಳಿಂದ ಕಂಗೆಟ್ಟಿದ್ದ ಇಸ್ರೇಲ್ ಹತಾಶೆಯಿಂದ ಲೆಬನಾನ್ ರಾಜಧಾನಿ ಬೈರೂತ್ ನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಸೇರಿದಂತೆ ಹಲವೆಡೆ ವೈಮಾನಿಕ ದಾಳಿ ನಡೆಸಿತು. ವಿಶ್ವಸಂಸ್ಥೆಯ ಮಧ್ಯಪ್ರವೇಶದಿಂದಾಗಿ ಈ ಯುದ್ಧ ಕೊನೆಗೊಂಡು, ಇಸ್ರೇಲ್ ತಾನು ಆಕ್ರಮಿಸಿಕೊಂಡಿದ್ದ ಬಹುತೇಕ ಭೂಭಾಗಗಳನ್ನು ಬಿಟ್ಟುಕೊಟ್ಟಿತು. ಲೆಬನಾನಿಗಳೇ ಈ ಯುದ್ಧದಲ್ಲಿ ಹೆಚ್ಚು ಸತ್ತರೂ, ಇಸ್ರೇಲ್ ಪಡೆಗಳನ್ನು ಒಂದುಹಂತದಲ್ಲಿ ಹಿಮ್ಮೆಟ್ಟಿಸಲು ಹೆಜ್ಬೊಲ್ಲಾ ಯಶಸ್ವಿಯಾಗಿತ್ತು. ಇದಕ್ಕೆ ಕಾರಣವೂ ಇತ್ತು, ಹೆಜ್ಬೊಲ್ಲಾ ಜತೆ ಇರಾನ್ ಪೂರ್ಣಪ್ರಮಾಣದಲ್ಲಿ ಕೈ ಜೋಡಿಸಿತ್ತು.
ಹೆಜ್ಬೊಲ್ಲಾ ಮತ್ತು ಇಸ್ರೇಲ್ ಸಂಘರ್ಷ ಈಗಲೂ ಮುಂದುವರೆದಿದೆ. ಕಳೆದ ವಾರವಷ್ಟೇ ಇಸ್ರೇಲ್ ಮತ್ತು ಹೆಜ್ಬೊಲ್ಲಾಗಳ ನಡುವೆ ಲೆಬನಾನ್ ದಕ್ಷಿಣ ಗಡಿಯಲ್ಲಿ ಸಂಘರ್ಷ ಏರ್ಪಟ್ಟಿತ್ತು. ಸಿರಿಯಾದಲ್ಲಿ ಇಸ್ರೇಲಿ ವ್ಯಕ್ತಿಯೊಬ್ಬರನ್ನು ಹೆಜ್ಬೊಲ್ಲಾ ಗಳು ಕೊಂದಿದ್ದಾರೆ ಎಂಬುದು ಇಸ್ರೇಲ್ ಆರೋಪ. ಸಿರಿಯಾದಲ್ಲಿ ನಡೆಯುತ್ತಿರುವ ಬಹುಪಕ್ಷೀಯ ಸಂಘರ್ಷಗಳಲ್ಲಿ ಇಸ್ರೇಲ್ ಮತ್ತು ಹೆಜ್ಬೊಲ್ಲಾ ಪರಸ್ಪರರನ್ನು ಕೊಲ್ಲಬಾರದು ಎಂಬ ನೀತಿಯನ್ನು ಅನುಸರಿಸುತ್ತಿದ್ದವು, ಈಗ ಮತ್ತೆ ಸಂಘರ್ಷ ಹಬೆಯಾಡುತ್ತಿದೆ.
ಇದೆಲ್ಲದರ ನಡುವೆ ಬೈರೂತ್ ನಲ್ಲಿ ಈ ಭೀಕರ ದುರ್ಘಟನೆ ನಡೆದಿದೆ. ಪ್ರಾಥಮಿಕ ವರದಿಗಳ ಪ್ರಕಾರ ಬೈರೂತ್ ಬಂದರಿನಲ್ಲಿ 2700 ಟನ್ ಅಮೋನಿಯಂ ನೈಟ್ರೇಟ್ ಸಂಗ್ರಹಿಸಿಡಲಾಗಿತ್ತು. ಅದೇ ಅಷ್ಟು ದೊಡ್ಡ ಪ್ರಮಾಣದ ಸ್ಫೋಟಕ್ಕೆ ಕಾರಣ. ವಿಷಯ ಏನು ಎಂದರೆ ಅದು ಲೆಬನಾನ್ ಗೆ ಸೇರಿದ್ದೂ ಆಗಿರಲಿಲ್ಲ. ಜಾರ್ಜಿಯಾದಿಂದ ಮೊಜಾಂಬಿಕ್ ಗೆ ರಷ್ಯನ್ ಹಡಗೊಂದು ಈ ಕಾರ್ಗೋವನ್ನು ಸಾಗಿಸುತ್ತಿತ್ತು. ತಾಂತ್ರಿಕ ದೋಷದಿಂದ ಈ ಹಡಗು ಬೈರೂತ್ ಬಂದರಿನಲ್ಲಿ ಇಳಿಯಿತು. ಕಾರ್ಗೋ ವಶಪಡಿಸಿಕೊಂಡು ಬಂದರಿನಲ್ಲೇ ಸಂಗ್ರಹಿಸಿಡಲಾಗಿತ್ತು. ಇದು ನಡೆದಿದ್ದು 2013ರ ಸೆಪ್ಟೆಂಬರ್ ನಲ್ಲಿ. ಈ ದೊಡ್ಡ ಪ್ರಮಾಣದ ಅಪಾಯಕಾರಿ ಸರಕನ್ನು ಯಾಕೆ ಲೆಬನಾನ್ ಅಧಿಕಾರಿಗಳು ಇಷ್ಟು ವರ್ಷವಾದರೂ ವಿಲೇವಾರಿ ಮಾಡಲಿಲ್ಲ? ಅಮೋನಿಯಂ ನೈಟ್ರೇಟ್ ಮೈನಿಂಗ್ ಚಟುವಟಿಕೆಗಳಿಗೆ, ಇನ್ನಿತರ ಉದ್ದೇಶಗಳಿಗೆ ಬಳಸಲಾಗುತ್ತದೆ. ಕಾರ್ಗೋ ಯಾರಿಗೆ ಸೇರಿದ್ದೋ ಅವರಿಗೆ ತಲುಪಿಸಬಹುದಿತ್ತು ಅಥವಾ ಅದನ್ನು ಲೆಬನಾನ್ ನ ಸ್ಫೋಟಕ ತಯಾರಿಕಾ ಕಂಪೆನಿಗಳಿಗೆ ಮಾರಬಹುದಿತ್ತು. ಕೊನೆಗೆ ಇದು ಅಪಾಯಕಾರಿಯಾದ್ದರಿಂದ ಲೆಬನಾನ್ ಸೈನ್ಯದ ವಶಕ್ಕೆ ನೀಡಬಹುದಾಗಿತ್ತು. ಇದ್ಯಾವುದನ್ನೂ ಮಾಡದೆ ಇಷ್ಟು ವರ್ಷಗಳ ಕಾಲ ಯಾಕೆ ಇಟ್ಟುಕೊಳ್ಳಲಾಗಿತ್ತು? ದಿಢೀರನೆ ಅದು ಸ್ಫೋಟವಾಗಿದ್ದಾದರೂ ಹೇಗೆ? ಲೆಬನಾನ್ ಒಳಗಿನ ಅಥವಾ ಹೊರಗಿನ ಶಕ್ತಿಗಳ ಕೈವಾಡ ಇರಬಹುದೇ?
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಇದೊಂದು ಭಯೋತ್ಪಾದಕ ದಾಳಿ ಎಂದು ತರಾತುರಿಯಲ್ಲಿ ಹೇಳಿಕೆ ನೀಡಿದ್ದಾರೆ. ಇದು ಅವಘಡವೆಂದು ಹೇಳಿದರೂ, ಈ ಅವಘಡವನ್ನೂ ಉದ್ದೇಶಪೂರ್ವಕವಾಗಿ ಆಗಲು ಬಿಡಲಾಗಿದೆಯೇ ಎಂಬ ಪ್ರಶ್ನೆಯೂ ಉದ್ಭವಿಸುತ್ತದೆ.
ಇದೇನೇ ಇದ್ದರೂ ಸ್ಫೋಟಕ್ಕೆ ಇಡೀ ಲೆಬನಾನ್ ನಡುಗಿಹೋಗಿರುವುದಂತೂ ಸತ್ಯ. ಅದು ಚೇತರಿಸಿಕೊಳ್ಳುವುದು ಕಷ್ಟ. ನಾಲ್ಕುಸಾವಿರ ಗಾಯಾಳುಗಳಲ್ಲಿ ಅದೆಷ್ಟು ಮಂದಿ ಸಾಯಲಿದ್ದಾರೋ? ಅದೆಷ್ಟು ಮಂದಿ ಶಾಶ್ವತವಾಗಿ ಅಂಗವಿಕಲರಾಗಲಿದ್ದಾರೋ? ಏನೂ ಆಗದ ಜನರು ಕೂಡ ಈ ಭೀತಿಯಿಂದ ಹೊರಬರಲು ಇನ್ನೆಷ್ಟು ಸಮಯ ಬೇಕೋ?
ಫ್ರೆಂಚರಿಂದ ಸ್ವಾತಂತ್ರ್ಯ ಪಡೆದ ನಂತರ, ಲೆಬನಾನ್ ಆಧುನಿಕತೆಗೆ ಒಗ್ಗಿಕೊಂಡಿತ್ತು. ಬೈರೂತ್ ಪ್ರವಾಸಿಗರ ಸ್ವರ್ಗವಾಗಿತ್ತು. 50 ಮತ್ತು 60ರ ದಶಕಗಳಲ್ಲಿ ಲೆಬನಾನ್ ಪೂರ್ವ ಸ್ವಿಟ್ಜರ್ಲೆಂಡ್‌ ಎಂದು ಹೆಸರಾಗಿತ್ತು. ಬೈರೂತ್ ನಗರ ಮಧ್ಯಪ್ರಾಚ್ಯದ ಪ್ಯಾರಿಸ್ ಎಂದು ಕರೆಯಲ್ಪಡುತ್ತಿತ್ತು. ಅದರ ಜಿಡಿಪಿ ಅತ್ಯಂತ ಮೇಲ್ಮಟ್ಟದಲ್ಲಿತ್ತು. ಆದರೆ ಅಂತರ್ಯುದ್ಧ, ಇಸ್ರೇಲ್ ದಾಳಿ, ಸಿರಿಯಾ ಮಧ್ಯಪ್ರವೇಶ, ಪ್ಯಾಲೆಸ್ಟೈನ್ ಸಮಸ್ಯೆ, ರಾಜಕೀಯ ನಾಯಕರ ಹತ್ಯಾ ಸರಣಿ, ಹೆಜ್ಬೊಲ್ಲಾ ಚಟುವಟಿಕೆಗಳು, ದಿನೇದಿನೇ ಹೆಚ್ಚುತ್ತಿರುವ ನಾಗರಿಕ ಪ್ರತಿಭಟನೆಗಳು, ಆರ್ಥಿಕ ಕುಸಿತ, ಕೋವಿಡ್- 19 ವೈರಸ್ ದಾಳಿ… ಹೀಗೆ 70ರ ದಶಕದಿಂದ ಇಂದಿನವರೆಗೆ ಒಂದಲ್ಲ ಒಂದು ಸಂಘರ್ಷ, ಯುದ್ಧ, ಕ್ಷೋಭೆಗಳಿಗೆ ಸಿಲುಕಿಕೊಂಡು ನರಳುತ್ತಿದೆ. ಬೈರೂತ್ ಸ್ಫೋಟ ಲೆಬನಾನ್ ಸಂಕಷ್ಟಗಳ ಹೊರೆಯನ್ನು ಮತ್ತಷ್ಟು ಹೆಚ್ಚಿಸಿದೆ.
ಪ್ರತಿಕ್ಷಣದ ಸುದ್ದಿಗಾಗಿ ನಮ್ಮ FB Page Like ಮಾಡಿ… https://www.facebook.com/Emungaru-123687244977933
Mangaluru: Toyota Kirloskar Motor (TKM) today announced its much awaited entry into the compact SUV segment in India with the all new Toyota Urban Cruiser- Toyota’s youngest SUV. The company will launch the compact SUV in its India line-up during the festive season to cater to the growing demand for compact SUVs in India.
Commenting on the foray into the compact SUV segment, Mr. Naveen Soni, Senior Vice President, Sales and Services, TKM, said, “We are very excited to announce our plans to launch the Toyota Urban Cruiser this festive season. With a customer-first approach, TKM has always endeavoured to fulfil the aspirations of its customers with timely introduction of new products and the Toyota Urban Cruiser is another such effort to satisfy the evolving customer needs. Also, we hope that the Urban Cruiser gives us an opportunity to welcome a new set of customers who not only aspire to own a Toyota SUV early in life, but would also like to experience Toyota’s global standards of sales & after-sales services.
ದೆಹಲಿ: ಕೋವಿಡ್ 19 ಮಹಾಮಾರಿಯ ರುದ್ರನರ್ತನದ ಮಧ್ಯೆ ಕಾಮುಕರು ಅಟ್ಟಹಾಸ ಮೆರೆಯುತ್ತಿದ್ದಾರೆ, ದೇಶವೇ ನಾಚುವಂಥ ಅಮಾನವೀಯ ಘಟನೆಯೊಂದು ನಡೆದಿದ್ದು, 17 ವರ್ಷದ ಹುಡುಗಿಯ ಮೇಲೆ ಐವರು ಸಾಮೂಹಿಕ ಅತ್ಯಾಚಾರವೆಸಗಿದ ಕ್ರೂರ ಘಟನೆ ನಡೆದಿದೆ.
ತ್ರಿಪುರಾದ ಖೋವಾಯಿ ಜಿಲ್ಲೆ ಅರಣ್ಯ ಪ್ರದೇಶವೊಂದರಲ್ಲಿ ಜುಲೈ 21ರಂದು ಈ ಘಟನೆ ನಡೆದಿದೆ. ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು 10 ಮಂದಿಯನ್ನು ಬಂಧಿಸಿದ್ದಾರೆ. ಇದರಲ್ಲಿ ಮೂವರನ್ನು ಬಾಲಕಿಯನ್ನು ಅತ್ಯಾಚಾರ ಮಾಡಿದ್ದು ಹಾಗೂ ಉಳಿದವರನ್ನು ಈ ಕೃತ್ಯಕ್ಕೆ ಸಹಕರಿಸಿದ ಹಾಗೂ ಆರೋಪಿಗಳಿಗೆ ಆಶ್ರಯ ನೀಡಿದ್ದಕ್ಕಾಗಿ ಬಂಧಿಸಲಾಗಿದೆ.
ಘಟನೆಗೆ ಸಂಬಂಧಿಸಿದಂತೆ ಆರೋಪಿಗಳ ಇಬ್ಬರು ಸಹಚರರನ್ನು ಸಿಪಾಹಿ ಜಲಾ ಜಿಲ್ಲೆಯಿಂದ ಬಂಧಿಸಲಾಗಿದೆ ಎಂದು ಅಲ್ಲಿನ ಡಿಐಜಿ ತಿಳಿಸಿದ್ದಾರೆ. ಇಬ್ಬರು ಆರೋಪಿಗಳು ತಲೆಮರೆಸಿಕೊಂಡಿದ್ದು, ಅವರಿಗಾಗಿ ಹುಡುಕಾಟ ನಡೆಸಲಾಗುತ್ತಿದೆ ಎಂದು ಅವ್ರು ತಿಳಿಸಿದ್ದಾರೆ.
ಇಂತಹ ಘೋರ ಪ್ರಕರಣಗಳ ಆರೋಪಿಗಳಿಗೆ ಕಠಿಣ ಶಿಕ್ಷೆ ನಿಡಬೇಕು ಎಂದು ವಿದ್ಯಾರ್ಥಿಗಳ ಗುಂಪೊಂದು ಕರೆ ನೀಡಿದೆ.
ಪ್ರತಿಕ್ಷಣದ ಸುದ್ದಿಗಾಗಿ ನಮ್ಮ FB Page Like ಮಾಡಿ… https://www.facebook.com/Emungaru-123687244977933
- ಜೂ.8ರ ವರೆಗೂ ಸುಶಾಂತ್ ಜೊತೆ ಲಿವ್ ಇನ್ ರಿಲೇಷನ್‍ಶಿಪ್‍ನಲ್ಲಿದ್ದೆ
- ಸುಶಾಂತ್ ಗೆಳತಿ ರಿಯಾ ಸ್ಪಷ್ಟನೆ
- ನನಗೆ ಅನೇಕ ಅತ್ಯಾಚಾರ, ಕೊಲೆ ಬೆದರಿಕೆಗಳು ಬರ್ತಿವೆ
- ನ್ಯಾಯ ಸಿಕ್ಕೇ ಸಿಗುತ್ತದೆ ಎಂದ ರಿಯಾ
ಮುಂಬೈ: ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಅವರ ತಂದೆ ಬಿಹಾರದಲ್ಲಿ ದಾಖಲಿಸಿರುವ ಎಫ್ಐಆರ್‌ನಲ್ಲಿ ನನ್ನ ಮೇಲೆ ಸುಳ್ಳು ಆರೋಪ ಹೊರಿಸಲಾಗಿದೆ ಎಂದು ನಟಿ ರಿಯಾ ಚಕ್ರವರ್ತಿ ಸುಪ್ರೀಂ ಕೋರ್ಟಿಗೆ ಅರ್ಜಿ ಸಲ್ಲಿಸಿದ್ದಾರೆ.
ಇತ್ತೀಚೆಗೆ ಸುಶಾಂತ್ ಸಿಂಗ್ ಆತ್ಮಹತ್ಯೆಗೆ ಸಂಬಂಧಿಸಿದಂತೆ ಅವರ ತಂದೆ, ನಟಿ ರಿಯಾ ಚಕ್ರವರ್ತಿ ಸೇರಿದಂತೆ ಆರು ಮಂದಿ ವಿರುದ್ಧ ಪಾಟ್ನಾದಲ್ಲಿ ಎಫ್‍ಐಆರ್ ದಾಖಲಿಸಿದ್ದರು. ಇದೀಗ ಈ ತನಿಖೆಯನ್ನು ಮುಂಬೈಗೆ ವರ್ಗಾಯಿಸುವಂತೆ ಕೋರಿ ಬುಧವಾರ ನಟಿ ರಿಯಾ ಚಕ್ರವರ್ತಿ ಸುಪ್ರೀಂ ಕೋರ್ಟಿಗೆ ಅರ್ಜಿ ಸಲ್ಲಿಸಿದ್ದಾರೆ.
ಅಲ್ಲದೇ ಸುಶಾಂತ್ ಸಿಂಗ್ ಸಾವಿನಿಂದ ನಾನು ತೀವ್ರ ಆಘಾತಕ್ಕೊಳಗಾಗಿದ್ದೇನೆ. ಇದರಿಂದ ನನಗೂ ಅನೇಕ ಕೊಲೆ ಮತ್ತು ಅತ್ಯಾಚಾರ ಬೆದರಿಕೆಗಳು ಬಂದಿವೆ. ಜೊತೆಗೆ ಜೂನ್ 8 ರವರೆಗೆ ಸುಶಾಂತ್ ಜೊತೆ ಲಿವ್-ಇನ್ ರಿಲೇಷನ್‍ಶಿಪ್‍ನಲ್ಲಿದ್ದೆ ಎಂಬ ಮಾಹಿತಿಯನ್ನ ಕೂಡ ಸುಪ್ರೀಂ ಕೋರ್ಟಿಗೆ ನೀಡಿದ್ದಾರೆ.
ರಿಯಾ ಸಲ್ಲಿಸಿರೋ ಅರ್ಜಿಯಲ್ಲಿ ಏನಿದೆ?
ಪ್ರಸ್ತುತ ಸುಶಾಂತ್ ಸಿಂಗ್ ಆತ್ಮಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೃಷ್ಣ ಕಿಶೋರ್ ಸಿಂಗ್ ಸಲ್ಲಿಸಿರುವ ಎಫ್ಐಆರ್‌ನಲ್ಲಿ ತಪ್ಪಾಗಿ ಹೇಳಿಕೆ ನೀಡಿದ್ದು, ನನ್ನ ಮೇಲೆ ಸುಳ್ಳು ಆರೋಪ ಮಾಡಲಾಗಿದೆ. ಅಲ್ಲದೇ ಪಟ್ನಾದಲ್ಲಿ ಅವರಿಗೆ ಬಹಳ ಪ್ರಭಾವ ಇದೆ. ಇದರಿಂದ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಿಹಾರದಲ್ಲಿ ನ್ಯಾಯ ಸಮ್ಮತ ತನಿಖೆ ಮಾಡಲು ಸಾಧ್ಯವಿಲ್ಲ. ಆದ್ದರಿಂದ ಬಿಹಾರದಲ್ಲಿ ದಾಖಲಿಸಿರುವ ಎಫ್ಐಆರ್‌ನ ತನಿಖೆಯನ್ನು ಮುಂಬೈಗೆ ವರ್ಗಾಯಿಸಬೇಕು ಎಂದು ರಿಯಾ ತಮ್ಮ ಅರ್ಜಿಯಲ್ಲಿ ಮನವಿ ಮಾಡಿಕೊಂಡಿದ್ದಾರೆ.
ಸುಶಾಂತ್ ಕೆಲವು ಸಮಯದಿಂದ ಖಿನ್ನತೆಗೆ ಒಳಗಾಗಿದ್ದರು. ಆದರೆ ಜೂನ್ 14ರಂದು ಅವರು ಬಾಂದ್ರಾದ ನಿವಾಸದಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಬಾಂದ್ರಾ ಪೊಲೀಸ್ ಠಾಣೆಯಲ್ಲಿ ಈ ಕುರಿತು ಅಸಹಜ ಸಾವಿನ ಪ್ರಕರಣ ದಾಖಲಾಗಿದೆ. ಸುಶಾಂತ್ ಈ ನಿರ್ಧಾರ ತೆಗೆದುಕೊಳ್ಳಲು ಕಾರಣವನ್ನು ಪರಿಶೀಲಿಸುತ್ತಿದ್ದಾರೆ ಎಂದು ತಿಳಿಸಿದ್ದಾರೆ.
ಅಷ್ಟೇ ಅಲ್ಲದೇ ರಿಯಾ ಸಲ್ಲಿಸಿರುವ ಅರ್ಜಿಯಲ್ಲಿ, ನಾನು ಜೂನ್ 8, 2020 ರವರೆಗೆ ಸುಶಾಂತ್ ಸಿಂಗ್ ಜೊತೆ ಲಿವ್ ಇನ್ ರಿಲೇಷನ್‍ಪ್‍ಲ್ಲಿದ್ದೆ ಎಂಬ ಮಾಹಿತಿಯನ್ನ ಕೋರ್ಟಿಗೆ ನೀಡಿದ್ದಾರೆ. ಅದಾದ ಬಳಿಕ ನಾನು ತಾತ್ಕಾಲಿಕವಾಗಿ ಮುಂಬೈನಲ್ಲಿರುವ ನನ್ನ ಸ್ವಂತ ನಿವಾಸಕ್ಕೆ ಸ್ಥಳಾಂತರಗೊಂಡೆ. ನಟನ ಸಾವಿನಿಂದಾಗಿ ತೀವ್ರ ಆಘಾತಕ್ಕೊಳಗಾಗಿದ್ದೇನೆ. ಜೊತೆಗೆ ನಟನ ಸಾವಿನ ನಂತರ ಅನೇಕ ಅತ್ಯಾಚಾರ ಮತ್ತು ಕೊಲೆ ಬೆದರಿಕೆಗಳು ಬರುತ್ತಿವೆ ಎಂದು ಆರೋಪಿಸಿದ್ದಾರೆ.
ತಮಗೆ ಬರುತ್ತಿದ್ದ ಅತ್ಯಾಚಾರ ಮತ್ತು ಕೊಲೆ ಬೆದರಿಕೆ ಕರೆಗಳ ವಿರುದ್ಧ ಕ್ರೂಜ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಬಾಂದ್ರಾ ಪೊಲೀಸರು ಹಲವು ಬಾರಿ ಸಮನ್ಸ್ ನೀಡಿ ತಮ್ಮ ಹೇಳಿಕೆಯನ್ನು ದಾಖಲಿಸಿಕೊಂಡಿದ್ದಾರೆ. ಮುಂಬೈ ಪೊಲೀಸರ ತನಿಖೆ ಇನ್ನೂ ನಡೆಯುತ್ತಿದೆ. ಈ ಮಧ್ಯೆ ಸುಶಾಂತ್ ಸಿಂಗ್ ತಂದೆ ನನ್ನ ಮೇಲೆ ಬಿಹಾರದಲ್ಲಿ ಪ್ರಭಾವದಿಂದ ಸುಳ್ಳು ಆರೋಪ ಮಾಡಿದ್ದಾರೆ. ಇದರಿಂದ ಬಿಹಾರದ ಪೊಲೀಸರು ನಿಷ್ಪಕ್ಷಪಾತವಾಗಿ ತನಿಖೆ ಮಾಡಲು ಸಾಧ್ಯವಿಲ್ಲ. ಹೀಗಾಗಿ ಈ ಎಫ್ಐಆರ್‌ನ ತನಿಖೆಯನ್ನು ಮುಂಬೈಗೆ ವರ್ಗಾಯಿಸಬೇಕು ಎಂದು ರಿಯಾ ಸುಪ್ರೀಂ ಕೋರ್ಟಿಗೆ ಅರ್ಜಿ ಸಲ್ಲಿಸುವ ಮೂಲಕ ಮನವಿ ಮಾಡಿಕೊಂಡಿದ್ದಾರೆ.
ಪ್ರತಿಕ್ಷಣದ ಸುದ್ದಿಗಾಗಿ ನಮ್ಮ FB Page Like ಮಾಡಿ… https://www.facebook.com/Emungaru-123687244977933
ದೇಶದ ರಾಜಧಾನಿ ದೆಹಲಿ ಒಳ್ಳೆಯ ಕಾರಣಗಳಿಗಾಗಿ ಸುದ್ದಿಯಲ್ಲಿದೆ. ಮೊದಲನೆಯದಾಗಿ ಆಕ್ಟಿವ್ ಕರೋನಾ ಕೇಸ್ ಗಳ ನಿಯಂತ್ರಣದ ವಿಷಯದಲ್ಲಿ ದೆಹಲಿ ಗಣನೀಯವಾದ ಪ್ರಗತಿ ಸಾಧಿಸಿದೆ. ಆಕ್ಟಿವ್ ಕೇಸ್ ಗಳಲ್ಲಿ ಎರಡನೇ ಸ್ಥಾನದಲ್ಲಿದ್ದ ದೆಹಲಿ ಈಗ ಎಂಟನೇ ಸ್ಥಾನಕ್ಕೆ ತನ್ನನ್ನು ತಾನು ತಳ್ಳಿಕೊಂಡಿದೆ. ಮಹಾರಾಷ್ಟ್ರ ಎಂದಿನಂತೆ ಮೊದಲ ಸ್ಥಾನದಲ್ಲಿದೆ, ಕರ್ನಾಟಕ ಎರಡನೇ ಸ್ಥಾನಕ್ಕೆ ಬಂದು ಏದುಸಿರು ಬಿಡುತ್ತಿದೆ. ದೆಹಲಿಯ ಮತ್ತೊಂದು ಮಹತ್ವದ ಸಾಧನೆಯೆಂದರೆ ಅಲ್ಲಿ ಕೋವಿಡ್ ಸಾವಿನ
ಪ್ರಮಾಣ ದಿನದಿಂದ ದಿನಕ್ಕೆ ಕಡಿಮೆಯಾಗುತ್ತಿದೆ. ಜೂನ್ ಮೊದಲ ವಾರಕ್ಕೆ ಹೋಲಿಸಿದರೆ ಶೇ. 44ರಷ್ಟು ಸಾವಿನ ಪ್ರಮಾಣ ಕುಸಿದಿದೆ. ದೆಹಲಿಯಲ್ಲಿ ರಿಕವರಿ ರೇಟ್ ಕೂಡ ಹೆಚ್ಚುತ್ತಲೇ ಇದೆ. ಅದು ಈಗ ಶೇ.87ನ್ನು ತಲುಪಿದೆ. ಇನ್ನು ದೆಹಲಿಯಲ್ಲಿ ನಡೆದ ಸೀರಾಲಾಜಿಕಲ್ ಸರ್ವೆಯ ಪ್ರಕಾರ ಶೇ. 23ರಷ್ಟು ಮಂದಿ ಕೋವಿಡ್ ಗೆ ಎಕ್ಪೋಸ್ ಆಗಿರುವ ಸಾಧ್ಯತೆ ಇದೆ. ಅಂದರೆ ದೆಹಲಿಯ ಒಟ್ಟಾರೆ ಜನಸಂಖ್ಯೆಯ ಶೇ.23ರಷ್ಟು ಮಂದಿಗೆ ಕರೋನಾ ಬಂದು ಹೋಗಿರುವ ಸಾಧ್ಯತೆ ಇದೆ. ಯಾವುದೇ ಒಂದು ಪ್ರದೇಶ Herd Immunity ಗಳಿಸಿದೆ ಎಂದು ಹೇಳಿಕೊಳ್ಳಲು ಈ ಪ್ರಮಾಣ ಶೇ.60ರಿಂದ 70 ಜನಸಂಖ್ಯೆಯಾದರೂ ಆಂಟೀಬಾಡೀಸ್ ಹೊಂದಿರಬೇಕು. ಆದರೆ ಶೇ.23 ಕಡಿಮೆ ಸಂಖ್ಯೆಯೇನಲ್ಲ. ಇದೂ ಕೂಡ ಅತ್ಯಂತ ಗಮನಾರ್ಹವಾದ ಸಂಗತಿ.
ದೆಹಲಿ ಹೇಗೆ ಇಷ್ಟೊಂದು ಪ್ರಗತಿ ಸಾಧಿಸಲು ಕಾರಣವಾಯಿತು? ಜೂನ್ ತಿಂಗಳಿನಲ್ಲಿ ದೆಹಲಿಯಲ್ಲಿ ವೈರಸ್ ಹರಡುವಿಕೆಯ ತೀವ್ರತೆಯನ್ನು ಕಂಡಿದ್ದ ದೆಹಲಿ ಕಕ್ಕಾಬಿಕ್ಕಿಯಾಗಿತ್ತು, ಜನರು ಪ್ಯಾನಿಕ್ ಆಗಿದ್ದರು. ರೋಗಿಗಳಿಗೆ ಸರಿಯಾದ ಚಿಕಿತ್ಸೆ ದೊರೆಯದೆ ಕಂಗಾಲಾಗಿದ್ದರು. ಜುಲೈ ಅಂತ್ಯದೊಳಗೆ ಐದು ಲಕ್ಷ ಕೋವಿಡ್ ಕೇಸನ್ನು ನಾವು ಎದುರಿಸಬೇಕಾದೀತು ಎಂದು ಸ್ವತಃ ದೆಹಲಿ ಉಪಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ಆತಂಕ ವ್ಯಕ್ತಪಡಿಸಿದ್ದರು. ಆದರೆ ಹಾಗಾಗಲಿಲ್ಲ. 1,30,000 ಆಸುಪಾಸಿನಲ್ಲೇ ಸೋಂಕಿತರ ಸಂಖ್ಯೆ ಇದೆ. ಇದರಲ್ಲಿ ಬಹುಪಾಲು ಜನರು ಈಗಾಗಲೇ ಸೋಂಕಿನಿಂದ ಮುಕ್ತರಾಗಿದ್ದಾರೆ. ಇದೆಲ್ಲ ಅಷ್ಟು ಸುಲಭವಾಗಿ ನಡೆಯಲಿಲ್ಲ. ದೆಹಲಿ ತನ್ನದೇ ಆದ ಮಾದರಿಗಳನ್ನು ಹುಡುಕಿಕೊಂಡಿತು. ಬಹುಶಃ ಅದು ಇತರ ರಾಜ್ಯಗಳಿಗೆ ಮಾದರಿಯೂ ಆಗಬಹುದು. ದೆಹಲಿ ಏನೇನಲ್ಲ ಮಾಡಿತು ಎಂಬುದರ ಸಂಕ್ಷಿಪ್ತ ವಿವರ ಇಲ್ಲಿದೆ ನೋಡಿ.
1. ಹೋಮ್ ಐಸೋಲೇಷನ್: ಹೋಮ್ ಐಸೋಲೇಷನ್ ಮಾದರಿಯನ್ನು ನೀವು ಕೇಳಿರುತ್ತೀರಿ. ಇದನ್ನು ನಮ್ಮ ಡಾ.ಶ್ರೀನಿವಾಸ ಕಕ್ಕಿಲಾಯರು ಮಾರ್ಚ್-ಏಪ್ರಿಲ್ ತಿಂಗಳಿನಿಂದ ಪ್ರತಿಪಾದಿಸುತ್ತಲೇ ಬಂದಿದ್ದಾರೆ. ಸರ್ಕಾರಕ್ಕೆ ಕಾರ್ಯಯೋಜನೆಯನ್ನೂ ನೀಡಿದ್ದರು. ನಮ್ಮ‌ಸರ್ಕಾರ ಕಿವಿಗೆ ಹಾಕಿಕೊಳ್ಳಲಿಲ್ಲ. ಕೇಜ್ರೀವಾಲ್ ಸರ್ಕಾರ ಹೋಮ್ ಐಸೋಲೇಷನ್ ವ್ಯವಸ್ಥೆಯನ್ನು ಅತ್ಯಂತ ವ್ಯವಸ್ಥಿತವಾಗಿ ಜಾರಿಗೆ ತಂದಿತು. ಕೋವಿಡ್ ಸೋಂಕಿನ ಲಕ್ಷಣಗಳು ಇಲ್ಲದ ಅಥವಾ ಸಣ್ಣಪ್ರಮಾಣದ ಲಕ್ಷಣಗಳು ಕಂಡುಬಂದವರಿಗೆ ಮನೆಗಳಲ್ಲೇ ಉಳಿಯಲು ಸರ್ಕಾರ ಹೇಳಿತು. ಇಂಥವರನ್ನು ಆರೋಗ್ಯ ಇಲಾಖೆ ವ್ಯವಸ್ಥಿತವಾಗಿ ಮಾನಿಟರ್ ಮಾಡಿತು.ಶೇ.80ಕ್ಕೂ ಹೆಚ್ಚು ಸೋಂಕಿತರಿಗೆ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಅಗತ್ಯವೇ ಇಲ್ಲವೆಂಬುದನ್ನು ದೆಹಲಿ ಸರ್ಕಾರ ಬೇಗ ಅರ್ಥ ಮಾಡಿಕೊಂಡಿತ್ತು. ಸೋಂಕಿತರು ಊರೆಲ್ಲ ಅಲೆದು ಇನ್ನಷ್ಟು ಜನರಿಗೆ ಸೋಂಕು ಹರಡಿಸುವ ಸಾಧ್ಯತೆಗಳೂ ಇದ್ದವು. ದೆಹಲಿ ಸರ್ಕಾರ ಹೋಮ್ ಐಸೋಲೇಷನ್ ವ್ಯವಸ್ಥೆ ಜಾರಿಗೆ ತಂದು ಇದನ್ನೆಲ್ಲ ತಡೆಗಟ್ಟಿತು.
ಮನೆಯಲ್ಲೇನಾದರೂ ಹೆಚ್ಚು ಕಡಿಮೆಯಾದರೆ ಏನು ಮಾಡೋದು ಎಂಬುದೇ ನಮ್ಮನ್ನೆಲ್ಲ ಕಾಡುತ್ತಿರುವ ಬಹುದೊಡ್ಡ ಪ್ರಶ್ನೆ. ದೆಹಲಿ ಸರ್ಕಾರ ಯಾರು ಹೋಮ್ ಐಸೋಲೇಷನ್ ನಲ್ಲಿ ಇದ್ದಾರೋ ಅವರಿಗೆಲ್ಲ ಆಕ್ಸಿಮೀಟರ್ ಗಳನ್ನು ವಿತರಿಸಿತು. ಕೋವಿಡ್ ನ ಆತಂಕವಿರುವುದೇ ವೈರಸ್ ಶ್ವಾಸಕೋಶದ ಮೇಲೆ ಮಾಡಬಹುದಾದ ಸಂಭವನೀಯ ದಾಳಿ, ಮತ್ತು ಅದರಿಂದಾಗುವ ಉಸಿರಾಟದ ತೊಂದರೆ. ಮಿಕ್ಕಂತೆ ಜ್ವರ, ಕೆಮ್ಮು, ಬೇದಿ, ವಾಸನೆ-ರುಚಿ ಹೋಗುವುದೆಲ್ಲ ಸೋಂಕಿನ ಲಕ್ಷಣಗಳು. ಉಸಿರಾಟದ ಸಮಸ್ಯೆ ಅಷ್ಟು ಸುಲಭಕ್ಕೆ ಗೊತ್ತಾಗುವುದಿಲ್ಲ. ರಕ್ತದಲ್ಲಿ ಆಕ್ಸಿಜನ್ ಮಟ್ಟ ಕುಸಿಯುವ Hypoxia ರೋಗಿಗಳಿಗೆ ಗೊತ್ತಾಗುವುದಕ್ಕೆ ಮುನ್ನವೇ ಪ್ರಾಣ ಕಿತ್ತು ಕೊಳ್ಳಬಹುದು. ಕೋವಿಡ್ ವಿಷಯದಲ್ಲಿ ಇಂಥ ‘Happy Hypoxia” ಗಳ ಸಂಖ್ಯೆ ಹೆಚ್ಚು. ಹೀಗಾಗಿ ಇದನ್ನು ಮಾನಿಟರ್ ಮಾಡದೇ ಹೋದರೆ ಅಪಾಯ ತಪ್ಪಿದ್ದಲ್ಲ. ಇದಕ್ಕಾಗಿಯೇ ದೆಹಲಿ ಸರ್ಕಾರ ಹೋಮ್ ಐಸೋಲೇಷನ್ ನಲ್ಲಿರುವ ರೋಗಿಗಳಿಗೆ ಆಕ್ಸಿಮೀಟರ್ ಗಳನ್ನು ವಿತರಿಸಿತು. ಇದಕ್ಕಾಗಿಯೇ ಅದು 59,600 ಆಕ್ಸಿಮೀಟರ್ ಗಳನ್ನು ಕೊಂಡುಕೊಂಡಿತು. ಐಸೋಲೇಷನ್ ನಲ್ಲಿರುವ ರೋಗಿಗಳ ಆಕ್ಸಿಜನ್ ಪ್ರಮಾಣ ಕುಸಿದಾಗ ತಕ್ಷಣ ಅವರನ್ನು ಆಸ್ಪತ್ರೆಗಳಿಗೆ ಸೇರಿಸಿ ಚಿಕಿತ್ಸೆ ನೀಡಿತು.
ಇದೆಲ್ಲದರ ಪರಿಣಾಮವಾಗಿ ಆಸ್ಪತ್ರೆಗಳಿಗೆ ಸೋಂಕಿತರ ನೂಕುನುಗ್ಗಲು ತಪ್ಪಿತು. ಚಿಕಿತ್ಸೆ ಬೇಡವಾದವರು ಬಂದು ಆಸ್ಪತ್ರೆಗಳ ಬೆಡ್ ಗಳನ್ನು ಆಕ್ರಮಿಸಿಕೊಂಡರೆ ಚಿಕಿತ್ಸೆ ಬೇಕಾದವರು ಬೀದಿಯಲ್ಲಿ ಉಳಿಯುವ ಅಪಾಯವಿತ್ತಲ್ಲವೇ? ಅದನ್ನು ಹೋಮ್ ಐಸೋಲೇಷನ್ ತಪ್ಪಿಸಿತು. ಮನೆಯ ವಾತಾವರಣದಲ್ಲಿ, ಕುಟುಂಬ ಸದಸ್ಯರ ಮಾನಸಿಕ ಬೆಂಬಲ, ಭಾವನಾತ್ಮಕ ಬೆಸುಗೆ ಸೋಂಕಿತರು ಬೇಗ ವಾಸಿಯಾಗಲು, ಏಕಾಂಗಿತನದ ಭೀತಿಯಿಂದ ಪಾರಾಗಲು ನೆರವಾಯಿತು.
2. ಹೆಚ್ಚು ಹೆಚ್ಚಿನ ಟೆಸ್ಟ್ ಗಳು: ಕರೋನಾ ವನ್ನು ಎದುರಿಸಲು ನಾವು ಅತಿಹೆಚ್ಚಿನ ಪರೀಕ್ಷೆಗಳನ್ನು ನಡೆಸಬೇಕು ಎಂದು ರಾಹುಲ್ ಗಾಂಧಿ ಹೇಳಿದಾಗ, ಬಿಜೆಪಿಗರು ಆಡಿಕೊಂಡು ನಕ್ಕಿದ್ದರು. ಆದರೆ ದೆಹಲಿ ಅತ್ಯಂತ aggressive ಆಗಿ ಪರೀಕ್ಷೆಗಳನ್ನು ನಡೆಸುತ್ತ ಬಂದಿತು. ಪರೀಕ್ಷೆಗಳ ವಿಷಯದಲ್ಲಿ ಅದು ಇತರ ಎಲ್ಲ ರಾಜ್ಯಗಳನ್ನು ಹಿಂದಿಕ್ಕಿತು.
ಜೂನ್ ಮೊದಲ ವಾರದಲ್ಲಿ ದೆಹಲಿ ಪ್ರತಿನಿತ್ಯ ಅಂದಾಜು 5500 ಪರೀಕ್ಷೆಗಳನ್ನು ನಡೆಸುತ್ತಿತ್ತು. ಇದು ದೇಶದ ಇತರ ರಾಜ್ಯಗಳಿಗೆ ಹೋಲಿಸಿದರೆ ಆಗ ದೊಡ್ಡ ಸಂಖ್ಯೆಯೇ ಆಗಿತ್ತು. ನಂತರ ಕೇಂದ್ರ ಸರ್ಕಾರ ಜೂನ್ ಮಧ್ಯಭಾಗದಲ್ಲಿ ಆಂಟಿಜನ್ ಕಿಟ್ ಗಳನ್ನು ಒದಗಿಸಿದ ನಂತರ ಪರೀಕ್ಷೆಗಳು ಮತ್ತಷ್ಟು ಹೆಚ್ಚಾದವು. ಪರೀಕ್ಷೆಗಳ ಸಂಖ್ಯೆ ದುಪ್ಪಟ್ಟಾಗಿ, ದಿನಕ್ಕೆ 11,000 ಪರೀಕ್ಷೆಗಳ ನಡೆದವು. ನಂತರ ಜುಲೈ ಮೊದಲವಾರದ ಹೊತ್ತಿಗೆ ದಿನಕ್ಕೆ 21,000 ಪರೀಕ್ಷೆಗಳು ನಡೆದವು. ಈ ಸಂಖ್ಯೆ ಇನ್ನಷ್ಟು ಹೆಚ್ಚುತ್ತಲೇ ಇದೆ.
ಈ ರೀತಿಯ ಆಕ್ರಮಣಕಾರಿ ಪರೀಕ್ಷೆಗಳಿಂದ ದೆಹಲಿಯಲ್ಲಿ ಸೋಂಕಿತರನ್ನು ಗುರುತಿಸುವುದು, ಹೋಮ್ ಐಸೋಲೇಷನ್ ಗೆ ಒಳಪಡಿಸುವುದು ಸಾಧ್ಯವಾಯಿತು. ಅದೇ ರೀತಿ ಸೋಂಕಿತರ ಕುಟುಂಬದವರನ್ನೂ ಹೋಮ್ ಕ್ವಾರಂಟೈನ್ ನಲ್ಲಿ ಇಟ್ಟು ಮಾನಿಟರ್ ಮಾಡುವುದು ಸಾಧ್ಯವಾಯಿತು. ಇದರ ಫಲಿತಾಂಶ ಈಗ ಅಂಕಿಅಂಶಗಳನ್ನು ನೋಡಿದರೆ ನಿಚ್ಚಳವಾಗಿ ಕಾಣಿಸುತ್ತದೆ.
3. ಆಸ್ಪತ್ರೆಗಳಲ್ಲಿ ಬೆಡ್ ಗಳ ಸಂಖ್ಯೆ ಹೆಚ್ಚಳ: ಕರೋನಾ ವಿಷಯದಲ್ಲಿ ಜೂನ್ ಮೊದಲನೇ ವಾರದ ನಂತರ ದೆಹಲಿ ಸರ್ಕಾರದ ಕಾರ್ಯಾಚರಣೆ ವಿಧಾನ ಆಕ್ರಮಣಕಾರಿಯಾಗಿತ್ತು. ಅದು ತೀರಾ ಕೆಟ್ಟದ್ದನ್ನು ಊಹಿಸಿ ಅದಕ್ಕೆ ತಯಾರಿಯಾಯಿತು. ಆಸ್ಪತ್ರೆಗಳ ಬೆಡ್ ಸಂಖ್ಯೆ ಹೆಚ್ಚಿಸಲು ಅದು ಪರಿಣಾಮಕಾರಿಯಾದ ಕ್ರಮಗಳನ್ನು ತೆಗೆದುಕೊಂಡಿತು.
ಜೂನ್ ಮೊದಲವಾರದಲ್ಲಿ ದೆಹಲಿಯ ಸರ್ಕಾರಿ ಆಸ್ಪತ್ರೆಗಳಲ್ಲಿ ಎರಡೂವರೆ ಸಾವಿರ ಬೆಡ್ ಗಳು ಲಭ್ಯವಿದ್ದವು. ಕೇವಲ ಎಂಟು ಖಾಸಗಿ ಆಸ್ಪತ್ರೆಗಳು ಮಾತ್ರ ಕೋವಿಡ್ ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಿದ್ದವು. ಅವುಗಳು ಒದಗಿಸಿದ್ದ ಬೆಡ್ ಗಳ ಸಂಖ್ಯೆ 700 ಮಾತ್ರ. ಯಾವಾಗ ಕೋವಿಡ್ ಸಂಖ್ಯೆಗಳು ಹೆಚ್ಚಾದವೋ ಆಗ ಕೇಜ್ರೀವಾಲ್ ಸರ್ಕಾರ 50ಕ್ಕೂ ಹೆಚ್ಚು ಬೆಡ್ ಗಳನ್ನು ಹೊಂದಿರುವ ಎಲ್ಲ ಖಾಸಗಿ ಆಸ್ಪತ್ರೆಗಳು ಶೇ.40ರಷ್ಟು ಬೆಡ್ ಗಳನ್ನು ಕಡ್ಡಾಯವಾಗಿ ಕೋವಿಡ್ ರೋಗಿಗಳಿಗೆ ನೀಡಬೇಕೆಂಬ ಆದೇಶವನ್ನು ಮಾಡಿತು. ಈ ಒಂದು ಆದೇಶದಿಂದಾಗಿ 700 ಬೆಡ್ ಗಳ ಸಂಖ್ಯೆ 5000ವನ್ನು ತಲುಪಿತು. ಇದರ ಜತೆಗೆ ಹೋಟೆಲ್ ಗಳನ್ನು ಆಸ್ಪತ್ರೆಗಳ ಜತೆ ಲಿಂಕ್ ಮಾಡಿದ ಪರಿಣಾಮವಾಗಿ ಇನ್ನೂ 2000 ಬೆಡ್ ಗಳು ಲಭ್ಯವಾದವು. ಈಗ ದೆಹಲಿ ಒಟ್ಟು 15,000ಕ್ಕೂ ಹೆಚ್ಚು ಬೆಡ್ ಗಳನ್ನು ಹೊಂದಿವೆ! ಇದೂ ಕೂಡ ಒಂದು ದಾಖಲೆ.
ಜನರಿಗೆ ಬೆಡ್ ಸಿಗುತ್ತೋ ಇಲ್ವೋ? ಎಲ್ಲಿ ಅಡ್ಮಿಟ್ ಆಗೋದು? ಎಂಬ ಪ್ರಶ್ನೆಗಳು ಇರುತ್ತವೆಯಲ್ಲವೇ? ದೆಹಲಿ ಸರ್ಕಾರ ಡೆಲ್ಲಿ ಕರೋನಾ ಆಪ್ ಆರಂಭಿಸಿತು. ಆಸ್ಪತ್ರೆಗಳಲ್ಲಿ ಇರುವ ಹಾಸಿಗೆಗಳ ಲಭ್ಯತೆಯನ್ನು ಈ ಆಪ್ ನಲ್ಲಿ ಸುಲಭವಾಗಿ ನೋಡಬಹುದು. ಸೋಂಕಿತರಿಗೆ ಆಸ್ಪತ್ರೆಗಳನ್ನು ಆಯ್ಕೆ ಮಾಡಿಕೊಳ್ಳಲೂ ಸಹ ಇದು ಅವಕಾಶ ನೀಡಿತು. ನಮ್ಮಲ್ಲಿ ಬೆಡ್ ಇಲ್ಲ ಎಂದು ಖಾಸಗಿ ಆಸ್ಪತ್ರೆಗಳು ಸುಳ್ಳು ಹೇಳುವುದೂ ತಪ್ಪಿತು.
4. ಮುಂಚೂಣಿಯಲ್ಲಿ ನಿಂತ ನಾಯಕ: ಕೊನೆಯದಾಗಿ ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರೀವಾಲ್ ಗೆ ಪ್ರತಿಯೊಂದು ಸಣ್ಣಪುಟ್ಟ ವಿಷಯಗಳನ್ನೂ ಮೀಡಿಯಾ ಮುಂದೆ ಹೇಳುವ ಅಭ್ಯಾಸ. ವಿಪರೀತ ವಾಚಾಳಿ. ಕರೋನಾ ವಿಷಯದಲ್ಲಿ ಈ ವಾಚಾಳಿತನ ಸಹಾಯಕ್ಕೆ ಬಂದಿತು. ಪ್ರತಿನಿತ್ಯ ಅವರು ಟೀವಿ ಗಳಲ್ಲಿ ಕಾಣಿಸಿಕೊಂಡು ಜನರ ಜತೆ ನೇರ ಸಂವಾದ ಆರಂಭಿಸಿದರು. ವೈದ್ಯರು ಹೇಳಬಹುದಾಗಿದ್ದನ್ನು ತಾವೇ ಹೇಳಿದರು.
ಆಕ್ಸಿಮೀಟರ್ ಎಂದರೆ ಏನು ಗೊತ್ತಾ? ಅದನ್ನು ಹೇಗೆ ಬಳಸುವುದು? ಪ್ಲಾಸ್ಮಾ ಡೊನೇಷನ್ ಮಹತ್ವವೇನು? ಹೋಮ್ ಐಸೋಲೇಷನ್ ಎಂದರೆ ಏನು? ಹೋಮ್ ಐಸೋಲೇಷನ್ ನಲ್ಲಿ ಏನನ್ನು ಮಾಡಬೇಕು, ಏನನ್ನು ಮಾಡಬಾರದು…. ಹೀಗೆ ಎಲ್ಲ ವಿಷಯಗಳನ್ನು ಸ್ವತಃ ಅರವಿಂದ ಕೇಜ್ರೀವಾಲ್ ತಾವೇ ಬಂದು ಹೇಳತೊಡಗಿದರು. ಜನರು ನಂಬುವುದು ತಾವು ಆಯ್ಕೆ ಮಾಡಿ ಕಳಿಸಿದ ಜನನಾಯಕನನ್ನೇ ಅಲ್ಲವೇ? ಕೇಜ್ರೀವಾಲ್ ಜನರ ವಿಶ್ವಾಸವಾದರು. ಆ ಧ್ವನಿಯನ್ನು ಜನರು ನಂಬಿ ಅನುಸರಿಸಿದರು.
ಕೇಜ್ರೀವಾಲ್ ಸರ್ಕಾರಕ್ಕೆ ಇದೆಲ್ಲ ಸಾಧ್ಯವಾಗಿದ್ದು ಅದರ ಪ್ರೊಫೆಷನಲ್ ಅಪ್ರೋಚ್ ಮತ್ತು ಹೊರಗೆ ಏನೆಲ್ಲ ನಡೆಯುತ್ತಿದೆ ಎಂಬುದರ ತಿಳಿವಳಿಕೆಗಳಿಂದ. ಹೊರಜಗತ್ತಿನಲ್ಲಿ ಯಾವುದು ಸಕ್ಸಸ್ ಆಗಿದೆಯೋ ಅದನ್ನು ದೆಹಲಿಗೆ ಅಳವಡಿಸಲಾಯಿತು. ಯಾವ ವಿಷಯವನ್ನೂ ಅದು ಕಡೆಗಣಿಸಲಿಲ್ಲ. ಕರೋನಾ ಆರಂಭದಲ್ಲಿ ದೆಹಲಿಯಲ್ಲಿ ಇದ್ದ ಆಂಬ್ಯಲೆನ್ಸ್ ಗಳ ಸಂಖ್ಯೆ 134. ಈಗ ಅದು 600 ದಾಟಿದೆ. ದೇಶದಲ್ಲಿ ಮೊದಲ ಪ್ಲಾಸ್ಮಾ ಬ್ಯಾಂಕ್ ಸ್ಥಾಪನೆ ಮಾಡಿದ್ದು ದೆಹಲಿ. ಸ್ವತಃ ಕೇಜ್ರೀವಾಲ್ ಪ್ಲಾಸ್ಮಾ ಡೊನೇಷನ್ ಗೆ ಮೇಲಿಂದ ಮೇಲೆ ಮನವಿ ಮಾಡಿದ್ದರಿಂದಾಗಿ ಸೋಂಕಿನಿಂದ ಬಿಡುಗಡೆಯಾದವರು ಸ್ವ ಇಚ್ಛೆಯಿಂದ ಪ್ಲಾಸ್ಮಾ ದಾನ ಮಾಡುತ್ತಿದ್ದಾರೆ.
ಅಂದಹಾಗೆ ದೆಹಲಿ ಕರೋನಾ ವಿರುದ್ಧ ಯುದ್ಧ ವನ್ನು ಜಯಿಸಿಯೇ ಬಿಟ್ಟಿದೆ ಎಂದೇನು ಭಾವಿಸಬೇಕಿಲ್ಲ. ದೆಹಲಿ ಅತ್ಯಂತ ಪರಿಣಾಮಕಾರಿಯಾಗಿ ಕರೋನಾವನ್ನು ಎದುರಿಸುತ್ತಿದೆ ಮತ್ತು ಸರಿಯಾದ ದಾರಿಯಲ್ಲಿದೆ ಎಂಬುದನ್ನು ನಾವು ಅರ್ಥ ಮಾಡಿಕೊಳ್ಳಬೇಕಿದೆ. ಕರೋನ ನಮಗೆ ಹೊಸ ಅನುಭವ. ಟ್ರಯಲ್ ಅಂಡ್ ಎರರ್ ಗಳ ನಂತರವೇ ನಾವು ಎದ್ದುನಿಲ್ಲಬೇಕಿರುವುದು. ದೆಹಲಿ ಹಾಗೆ ಎದ್ದುನಿಂತಿದೆ.
ಬರುವ ದಿನಗಳಲ್ಲಿ ದೇಶದ ಇತರೆಲ್ಲ ರಾಜ್ಯಗಳೂ ದೆಹಲಿಯನ್ನು ಅನುಸರಿಸುವ ಸಾಧ್ಯತೆಗಳು ಇವೆ. ಕರೋನಾ ಆರಂಭದ ದಿನಗಳಲ್ಲಿ ಕಾಂಟ್ರಾಕ್ಟ್ ಟ್ರೇಸಿಂಗ್, ಇಂಡೆಕ್ಸಿಂಗ್, ಐಸೋಲೇಷನ್ ವಿಷಯದಲ್ಲಿ ಕೇರಳ, ಕರ್ನಾಟಕ ಮಾದರಿಯಾಗಿದ್ದವು. ಕರೋನಾ ಸಮುದಾಯಕ್ಕೆ ಭಾಗಶಃ ಹಬ್ಬಿದಾಗ ಏನು ಮಾಡಬೇಕೆಂಬುದನ್ನು ದೆಹಲಿ ತೋರಿಸಿಕೊಟ್ಟಿದೆ.
ಇದು ನಮ್ಮ ಫೇಸ್‌ಬುಕ್ ಪೇಜ್. ಪ್ರತಿಕ್ಷಣದ ಸುದ್ದಿಗಾಗಿ FB Page Like ಮಾಡಿ… https://www.facebook.com/Emungaru-123687244977933
ಬಹುಭಾಷಾ ತಾರೆ ವಿಜಯಲಕ್ಷ್ಮಿ ಆತ್ಮಹತ್ಯೆ ಪ್ರಕರಣ ಚಲನಚಿತ್ರ ರಂಗವನ್ನು ಬೆಚ್ಚಿ ಬೀಳಿಸಿದೆ. ಆತ್ಮಹತ್ಯೆಗೂ ಮುನ್ನ ನಟಿ ಫೇಸ್ ಬುಕ್ ಲೈವ್ ಮಾಡಿದ್ದು, ಬೆಚ್ಚಿ ಬೀಳಿಸುವ ಅಂಶವನ್ನು ಬಯಲುಮಾಡಿದ್ದಾರೆ.
ಕನ್ನಡ ಹಾಗೂ ತಮಿಳು ಚಿತ್ರರಂಗದ ಖ್ಯಾತ ನಟಿ ವಿಜಯಲಕ್ಷ್ಮಿ ಅತ್ಮಹತ್ಯೆ ಮಾಡಿಕೊಳ್ಳಲು ಯತ್ನಿಸಿದ್ದಾರೆ. ತಾವು ಅನುಭವಿಸಿದ ಕಷ್ಟವನ್ನು ಫೇಸ್ ಬುಕ್ ನಲ್ಲಿ ವಿಡಿಯೋ ಪೋಸ್ಟ್ ಮಾಡುವ ಹಂಚಿಕೊಂಡಿದ್ದಾರೆ. ತಮಿಳುನಾಡಿನ ನಟ ಹಾಗೂ ರಾಜಕಾರಣಿ ಸೀಮನ್ ಎಂಬುವರು ವಿಜಯಲಕ್ಷ್ಮಿ ಅವರಿಗೆ ಯಾವ ರೀತಿ ಕಷ್ಟಕೊಟ್ಟರು ಎಂಬುದನ್ನು ವಿವರಿಸಿ ಹೇಳಿದ್ದಾರೆ. ವಿಡಿಯೋದಲ್ಲಿ ತಮಿಳು ಹಾಗೂ ಕನ್ನಡ ಎರಡು ಭಾಷೆಯಲ್ಲೂ ಮಾತನಾಡಿದ್ದಾರೆ. ವಿಡಿಯೋ ಶುರುಮಾಡುವ ಮೊದಲೇ ತಾವು ಮೂರು ಬಿP ಮಾ#ತ್ರೆಗಳನ್ನು ತೆಗೆದುಕೊಂಡಿರುವುದಾಗಿಯೂ, ಇನ್ನು ಕೆಲವೇ ಸಮಯದಲ್ಲಿ ತಮ್ಮ ಬಿP ಲೋ ಆಗುವುದಾಗಿ ಹೇಳಿದ್ದಾರೆ ನಟಿ ವಿಜಯಲಕ್ಷ್ಮಿ. ತಮಗೆ ಬದುಕಲು ತುಂಬಾ ಆಸೆ ಇತ್ತು ಆದರೆ ಸೀಮನ್ ಮತ್ತು ಹರಿ ನಾಡರ್ ಎಂಬುವವರು ತಮನ್ನು ಬದುಕಲು ಬಿಡುತ್ತಿಲ್ಲ. ಬಹಳ ಕಾ# ಕೊಟ್ಟಿದ್ದಾರೆ ಎಂದು ಹೇಳಿದ್ದಾರೆ. ವಿಜಯಲಕ್ಷ್ಮಿ ವಿಡಿಯೋ ಕೆಳಗಡೆ ಸ್ಕ್ರೋಲ್ ಡೌನ್ ಮಾಡಿ ನೋಡಿ
ತಾವು ಇಷ್ಟು ದಿನ ಎಲ್ಲವನ್ನೂ ಸಹಿಸಿಕೊಂಡು ಬದುಕಿದ್ದದ್ದು ತಮ್ಮ ತಾಯಿ ಹಾಗೂ ಸಹೋದರಿಗೋಸ್ಕರ ಆದರೆ ಈಗ ನನಗೆ ಬದುಕು ಸಾಕಾಗಿದೆ. ನಾನು ಕರ್ನಾಟಕದಲ್ಲಿ ಹುಟ್ಟಿದವಳು ಎಂಬ ಒಂದೇ ಕಾರಣಕ್ಕೆ ನನಗೆ ತುಂಬಾ ಕಾಟ ಕೊಟ್ಟಿದ್ದಾರೆ. ಅವಮಾನ ಮಾಡಿದ್ದಾರೆ, ನಾನು ವೇ#shya ವೃತ್ತಿಗೆ ಇಳಿದಿದ್ದೇನೆ ಎಂದು ನನ್ನ ಬಗ್ಗೆ ಅಪಪ್ರಚಾರ ಮಾಡಿದ್ದಾರೆ. ನನಗೆ ಇದೆಲ್ಲ ಸಾಕಾಗಿ ಹೋಗಿದೆ.ನಾನು ಹುಟ್ಟಿದ್ದು ಕರ್ನಾಟಕದಲ್ಲಿ ಆದರೆ ಅನನ್ನ ಮಾತೃಭಾಷೆ ತಮಿಳು, ಇದು ಎಲ್ಲರಿಗೂ ಗೊತ್ತಿರುವ ವಿಚಾರ. ವಿಜಯಲಕ್ಷ್ಮಿ ಅವರ ವಿಡಿಯೋ ನೋಡಿ
ಇದೊಂದೇ ಕಾರಣದಿಂದ ನನಗೆ ಮಾನಸಿಕವಾಗಿ ತೀವ್ರವಾದ ಹಿಂಸೆ ನೀಡಿದ್ದಾರೆ. ಅವರ ಪಕ್ಷದ ಹೆಸರು “ನಾಮ್ ತಮಿಳರ್” ಎಂದು. ಸೀಮನ್ ಅವರು ಜಾತಿ ಬಗ್ಗೆ ತುಂಬಾ ಮಾತಾಡ್ತಾರೆ ಸೀಮನ್ ಅವರಿಗೆ ಜೀವನದ ಭಿಕ್ಷೆ ನೀಡಿದ ಪ್ರಭಾಕರ್ ಅವರ ಜಾತಿಯವಳು ನಾನು ,ಹಾಗಿದ್ದರೂ ನನಗೆ ಇಷ್ಟೆಲ್ಲ ಅವಮಾನ ಮಾಡಿದ್ದಾರೆ ಎಂದು ಅಳಲನ್ನು ತೋಡಿಕೊಂಡಿದ್ದಾರೆ. ಜೊತೆಗೆ, ತಮಿಳು ಹಾಗೂ ಕನ್ನಡ ಅಭಿಮಾನಿಗಳಿಗೆ, ನಾನು ಸಾವಿನ ನಂತರ ಸೀಮನ್ ಅವರನ್ನು ಸುಮ್ಮನೆ ಬಿಡಲೇಬೇಡಿ, ಮುಂಜಾಗ್ರತಾ ಕ್ರಮವಾಗಿ ಜಾಮೀನು ತೆಗೆದುಕೊಳ್ಳಲು ಅವಕಾಶ ಸಿಗದಂತೆ ಮಾಡಿ. ಕರ್ನಾಟಕದಲ್ಲೂ ಅವರ ಪಕ್ಷ ಇದೆ. ಕನ್ನಡದವರಿಗೆ ಆತ ಬಹಳ ಕಾಟ ಕೊಡುತ್ತಾನೆ. ಅವನನ್ನು ಬಿಡಬೇಡಿ ಎಂದು ಅಭಿಮಾನಿಗಳಿಗೆ ಮನವಿ ಮಾಡಿದ್ದಾರೆ. ಇದು ನನ್ನ ಕೊನೆಯ ವಿಡಿಯೋ, ಇನ್ನುಮುಂದೆ ನಾನು ನೆನಪಾಗಿ ಉಳಿಯಲಿದ್ದೇನೆ.
ನನ್ನ ಸಾವು ಎಲ್ಲರ ಕಣ್ ತೆರೆಸಲಿ, ಇನ್ನು ಮುಂದೆ ಯಾರಿಗೂ ಈ ರೀತಿ ಆಗಬಾರದು. ನನ್ನಿಂದ ತೊಂದರೆ ಆಗಿದ್ದರೆ ಕ್ಷಮಿಸಿ. ಐ ಲವ್ ಯೂ ಆಲ್ ಎಂದು ಹೇಳಿ ವಿದೆಯೋದಲ್ಲಿ ಮಾತನ್ನು ಮುಗಿಸಿದ್ದಾರೆ. ಕನ್ನಡ ಹಾಗೂ ತಮಿಳು ಚಿತ್ರರಂಗದ ಖ್ಯಾತ ನಟಿ ವಿಜಯಲಕ್ಷ್ಮಿ ಅತ್ಮಹತ್ಯೆ ಮಾಡಿಕೊಳ್ಳಲು ಯತ್ನಿಸಿದ್ದಾರೆ. ತಾವು ಅನುಭವಿಸಿದ ಕಷ್ಟವನ್ನು ಫೇಸ್ ಬುಕ್ ನಲ್ಲಿ ವಿಡಿಯೋ ಪೋಸ್ಟ್ ಮಾಡುವ ಹಂಚಿಕೊಂಡಿದ್ದಾರೆ. ತಮಿಳುನಾಡಿನ ನಟ ಹಾಗೂ ರಾಜಕಾರಣಿ ಸೀಮನ್ ಎಂಬುವರು ವಿಜಯಲಕ್ಷ್ಮಿ ಅವರಿಗೆ ಯಾವ ರೀತಿ ಕಷ್ಟಕೊಟ್ಟರು ಎಂಬುದನ್ನು ವಿವರಿಸಿ ಹೇಳಿದ್ದಾರೆ. ವಿಡಿಯೋದಲ್ಲಿ ತಮಿಳು ಹಾಗೂ ಕನ್ನಡ ಎರಡು ಭಾಷೆಯಲ್ಲೂ ಮಾತನಾಡಿದ್ದಾರೆ. ವಿಡಿಯೋ ಶುರುಮಾಡುವ ಮೊದಲೇ ತಾವು ಮೂರು ಬಿP ಮಾತ್ರೆಗಳನ್ನು ತೆಗೆದುಕೊಂಡಿರುವುದಾಗಿಯೂ, ಇನ್ನು ಕೆಲವೇ ಸಮಯದಲ್ಲಿ ತಮ್ಮ ಬಿP ಲೋ ಆಗುವುದಾಗಿ ಹೇಳಿದ್ದಾರೆ ನಟಿ ವಿಜಯಲಕ್ಷ್ಮಿ. ತಮಗೆ ಬದುಕಲು ತುಂಬಾ ಆಸೆ ಇತ್ತು ಆದರೆ ಸೀಮನ್ ಮತ್ತು ಹರಿ ನಾಡರ್ ಎಂಬುವವರು ತಮನ್ನು ಬದುಕಲು ಬಿಡುತ್ತಿಲ್ಲ. ಬಹಳ ಕಾಟ ಕೊಟ್ಟಿದ್ದಾರೆ ಎಂದು ಹೇಳಿದ್ದಾರೆ.
ಇದು ನಮ್ಮ ಫೇಸ್‌ಬುಕ್ ಪೇಜ್. ಪ್ರತಿಕ್ಷಣದ ಸುದ್ದಿಗಾಗಿ FB Page Like ಮಾಡಿ… https://www.facebook.com/Emungaru-123687244977933
Move to expedite the turnaround of express logistics company, cement cultural collaboration
MUMBAI: Express logistics company Gati has appointed Allcargo CMD Shashi Kiran Shetty its Chairman in a move that will expedite its turnaround in a big way. Allcargo acquired 46.83% in Gati for Rs.416 crore in April, making it one of the largest multimodal logistics players in India.
K.L. Chugh, who contributed immensely as Gati’s Non-Executive Chairman for 22 years, stepped down from the board on July 24, paving the way for the new leadership.
In the previous board meeting, Gati’s board had inducted Allcargo’s Joint Managing Director Adarsh Hegde, Chief Investment Officer Jatin Chokshi, Kaiwan Kalyaniwalla, Cynthia D’Souza, Mohinder Pal Bansal and Dinesh Kumar Lal as Independent Directors.
Shashi Kiran Shetty’s leadership will catalyse the transformation of Gati.
“The new leadership will strengthen the strategic partnership between the two independent companies, align them to a common culture and values as also stimulate the transformation of the group into one of the largest multimodal logistics providers in the country. It will also elevate us to an unchallenged position in the third-party logistics solutions space,” said Shashi Kiran Shetty, Chairman, Allcargo Logistics and Gati.
Shetty, a logistics industry pioneer and visionary leader, has spearheaded a number of successful mergers and acquisitions with Indian and international companies over the past decade. His acumen for spotting growth opportunities and unrelenting belief in the potential of Gati will help catapult the company to the next level of transformation and growth.
The express logistics industry is expected to reach Rs.48,000 crore by 2023, holding out opportunities for Allcargo to increase its topline via its acquisition of Gati.
ನಮ್ಮ ಫೇಸ್ ಬುಕ್ ಸಂಪರ್ಕ: https://www.facebook.com/Emungaru-123687244977933
